افغانستان

طالبانو د بغلان په اندراب ولسوالي کې ۱۵ عسکر ژوندي نېولي

نن ټکی اسیا (دوشنبه، د تلې۷مه، ۱۳۹۳ل): د بغلان په اندراب ولسوالۍ کې د طالبانو او ملي اردو د عسکرو تر منځ د درنې وسله والې نښتې خبر ورکړی شوی.

د سرچینې په خبره،  نښته هغه مهال را منځته شوه، کله چې د اندراب ولسوالۍ په شاشان سېمه کې د عسکرو یو غټ کاروان د طالبانو تر کمین برید لاندې راغی، چې په پایله کې یې د ملي اردو ۱۵ عسکر ژوندي د طالبانو لاسونو ته کې کښېوتي.

د طالبانو ویاند ذبیح الله مجاهد د پېښي د پخلي ترڅنګ وویل، چې دا نښته نن سهار ۹ بجې را منځته شوه او نږدې دوه ساعته یې دوام وکړ.

د ښاغلي مجاهد په خبره، د دې دوه ساعته درنې نښتې په ترڅ کې د ملي اردو یو ټانګ موټر له سپرلۍ سره یو ځای له منځه وړل شوي او دوه رینجر له ۱۵ عسکرو سره یو ځای دوی ته په لاس ورغلي.

د بغلان امنیتي چارواکو د طالب ویاند د دې څرګندونو په تړاو څه نه دي ویلي.

ورته لیکنې

ګډون وکړئ
خبرتیا غوښتل د
guest
0 Comments
Inline Feedbacks
ټولې تبصرې کتل
Back to top button
0
Would love your thoughts, please comment.x
()
x