افغانستان

حنیف اتمر د ملي امنیت سلاکار وټاکل شو

نن ټکی اسیا (دوشنبه،  تلې ۷مه ۱۳۹۳ل):  د ولسمشر حامد کرزي د حکومت پر مهال د کورنیو چارو وزیر  محمد حنیف اتمر د ملي امنیت د سلاکار په توګه وټاکل شو.

د سیمه ییزو ارګانونو خپلواکې ادارې د پالیسۍ او تخنیکي چارو معین ډاکټر فرید ماموندزی   پر خپلې فیسبوک پاڼې د نوموړي د ټاکل کېدو خبر ورکړی او دا یې د اشرف غني احمدزي د حکومت غوره ګام بللی .

محمد حنیف اتمر تر دې وړاندې د کورنیو چارو، ښوونې او روزنې او د کلیو د پراختیا وزیر هم پاته شوی.

نوموړی په خټه پښتون او له اصله د هېواد د ختیځ ولایت لغمان اوسېدونکی دی.  نوموړي د کمونستي رژیم تر پرځېدو  پورې په دغه اداره کې دنده ترسره کوله.

 «خاد» د کمونستي رژيم تر ټولو بدنامه استخباراتي اداره وه او د څو کلونو دننه يې په ښکاره او پټو زندانونو کې لسګونه زره افغانان  وژلي.

حنیف اتمر په نړیوالو اړیکو او عامه کړنلارو کې ماستري لري او د امریکايي یرغل وړاندې په برتانیا کې اوسېده.

حنیف اتمر د طالبانو سره د خبرو اترو سخت مخالف او په هېواد کې د امریکايي پوځيانو دایمي اډو کلک ملاتړ ی بلل کیږي.

ښايي نوموړی سبا /سه شنبه، تلې ۷مه/ د امریکا سره د اشرف غني احمدزي د حکومت په استازیتوب امنیتي تړون لاسلیک کړي.

ورته لیکنې

ګډون وکړئ
خبرتیا غوښتل د
guest
0 Comments
Inline Feedbacks
ټولې تبصرې کتل
Back to top button
0
ستاسو نظر مونږ ته دقدر وړ دی، راسره شریک یې کړئx
()
x