شعـــــرونه

يرغلګر وغورځېده

شاعر: سید احسان الله الهام

له  سلګۍ سره  چي  پورته   ورنه   سر  وغورځېده
زماپه سترګوتوره شپه سوه ماوې لمر وغورځېده

زما خپل دماشومتوب او يتمتوب سختې په زړه شوې
د ماشوم  ښاغلى پلار چي  په  ډګر  وغورځېده

چي خبر شومه چنار غوندي زلميان بمبار مات كړي
لكه  ټكه  چي  راولوېده  او غر وغورځېده

چي په نازبه يې كړې پټي  په غمزو غمزو چشمانې
تابه وېل  دا بانوګان دي كه لښكر وغورځېده

جادوګر او پاړو ګر يې دي ژوندي ژوند تير كړي
لوى ښامار دى دغازيانو په سنګر وغورځېده

خوب مي ليد له خندا شين وم  په كالو كي مي ځاى نه وو
دشكست كندې ته ګوډ مات ير غلګر وغورځېده

د زړګى دنيا مي درسته پرې آباده  ده الهامه !
خداى دي نكړي چي به اورم څڼېور وغورځېده

2014/09/27
سيدالهام

ورته لیکنې

ګډون وکړئ
خبرتیا غوښتل د
guest
0 Comments
Inline Feedbacks
ټولې تبصرې کتل
Back to top button
0
ستاسو نظر مونږ ته دقدر وړ دی، راسره شریک یې کړئx
()
x