شعـــــرونه

د بڼو غشي‎ – نظام کندهاری

تا چي پر نونې د بڼو غشي لېنده ونيول
ما دي هم ځکه مخ ته سپر خپله سينه ونيول

تا چي منفي جواب را ولېږی په لاس د رويبار
د زړه سپوږمۍ مي د غم ترنځي هغه شپه ونيول

ما د هجران په ربيټر کي کړل پر يار ږغونه
خو چي پيدا مو کړل اجل نامرد نکته ونيول

طالبو سترګو دي ناپامه باندې راوړی هجوم
چي خبرېدم دوی مي د واک اختيار پوسته ونيول

ما تمانچه د صبر وړې وه په غم پسي ستا
خو د زلفانو پر ځنځير يې تمانچه ونيول

سر د غماز په عام محضر کي غوڅول په کار دی
د جاسوسۍ ښکاره اسناد مي ورسره ونيول

پر زړه يې اورېدل دا ستا غزل غزل يادونه
نن چي نظام لاس کي قلم و کتابچه ونيول

ورته لیکنې

ګډون وکړئ
خبرتیا غوښتل د
guest
0 Comments
Inline Feedbacks
ټولې تبصرې کتل
Back to top button
0
Would love your thoughts, please comment.x
()
x