نظــر

دعراقي ترجمانانو نامالوم برخلیک !

iraq_translatorsله عراقه دامریکایي ځواکونوتر وتلو وروسته عراقي ژباړونکي له یونامعلوم برخلیک سره مخ دي.

امریکايي  ورځپاڼې لاس انجلس ټایمز دتیرې دوشنبې  ورځې په ګڼه کې  دطارق نومي عراقي ترجمان  پیښه لیکلې چې  له عراق څخه  دامریکايي پوځونو تروتلو وروسته له سختو ستونزو سره لاس اوګریوان دی.

لاس انجلس ورځپاڼه د  (۲۷) کلن طارق  له خولې لیکې چې عراقیان  ده  ته  خائن ، هیواد پلورونکی  او دامریکایانو مزدوروايي؛

ځکه چې  ده  له ډیره وخته راهیسې   له امریکايي ځواکونوسره دژباړونکي په توګه کار کړی او ټول  وخت  یې له هغوئ سره یوځای په پوځي  اډه کې تیر کړې ،  اوس چې  امریکايي پوځیان له عراقه ووتل  نورو  امریکایانو طارق له نوموړې اډې څخه خپل کلي ته شړلی او هالته ورته کلیوال  دیوې منفورې څیرې په سترګه  ګوري  اود دوژلوګواښونه  ورته کوي .

طارق وايي : ما له امریکایانو سره په ډیره اخلاص خدمت کړی ،  امریکایانو به هروخت زه ډیر  ستایلم او را ته  ویل  به یې  چې  ستاددغو خدمتونو په مقابل کې به  مونږ تاته   امریکې ته دتللو ځانګړي  (Special visas) ویزې  درکوو ، خوله عراق  څخه  دوتلو پر مهال  هغوئ  نه یواځې داچې امریکې ته دتللو ویزې رانه کړه بلکې زه  یې له هغې خوندي پوځي اډې څخه  چیرې  چې  دخلګو له ګواښونو په آرام وم  هم  کليوالې سیمې ته وشړلم  چې هالته اوس دمرګ له خطرسره مخ یم.

لاس انجلس ټایمز دطارق  په حواله داخبره هم کوي  چې  امریکایانو دده په څیر نورهم په زرګونوتنه  هغه ترجمانان چې له  امریکايي پوځیانو سره یې  دژباړونکو په توګه کار کاوه همداسې  بي سرنویشته  پري ایښي  چې هغوئ اوس  نه په خپلو کلیوکې  آرام ژوند کولای شي اونه  ورته  چیري دکارکولو چانس په لاس ورځي.

دلاس انجلس ټایمز ددغه رپوټ لیکونکی  David Zucchino   لیکي چې طارق  ورته په ډیر ټینګار ویلو چې دده  نوم  به  په ورځپاڼه کې نه  نشر وي ؛ځکه داکار نورهم  دده ژوند له خطر سره مخ کوي   .

دیادې ورځپاڼې  خبریال  وایې چې طارق ښه دنګه  ونه  ، په بڼه  ښایسته او ځواکمنې مټې لري  ، خو اوس په داسې حال کې اوسي چې له خپل  کلي څخه تربغدادښار پوري دخپل بل ورور په مرسته راغلی   او هالته  يې له  نوموړي خبریال سره دمرکې په مهال هم  دویرې احساس کاوو او دایې ویل چې  زما په دماغ کې له  دغې  جملي  ماسیوا بل هیڅ نه دې پاته  :  امریکې ته دپناوړلو ځانګړې ویزا ! داځکه چې  زه  اوس  له یوه  سخت ویرجن حالت سره  مخ یم او خپل ټول وخت له   خلګو څخه  پټ چیرته  دانټرنیټ په  وسیله  دامریکې  دمهاجرت له ادارې څخه  دځانګړې ویزې  په راغوښتلو تیروم .

امریکې ته  دعراقي ترجمانانو دلیږلو پروسه هغه وخت  ټکنۍ شوه چې  کله په تیره میاشت کې دامریکې په  کینتا (Kentucky) ایالت کې دوه تنه عربان  القاعده ډلې ته دمالي مرستو ټولو ولو  په تور ونیول شول  .

دغه دوه تنه عراقیان ول چې دهغوئ  ګرفتاري   امریکې ته دعراقي پنا اخیستونکو په لیږلو خورا منفي تاثیروکړ.

دامریکايي قانون له مخې هرکال متحده ایالات  ۵۰۰۰ فوق العاده (Special visas) ویزې بهرنیو پنااخیستونکوته ورکوي  خوپه ۲۰۱۱ کال یې عراقیانوته  خواشا ۲۰۰۰۰ ویزې ورکړې ، مګر دهغو عراقیانو شمیره چې له امریکايي  ځواکونوسره يې کاروو  سلګونو زروته رسیږي . http://www.latimes.com/news/nationworld/world/la-fg-iraq-interpreters-20111227,0,2012248.story

ورته ستونزه هغو افغاني ترجمانانوته هم پیښه شوه  کوموچې دکندهار په ولایت کې  له کاناډايي ځواکونوسره کار کاوو او کله چې  دتیرجولای په میاشت کې کاناډايي پوځیان له کندهاره ووتلو، نوخپل افغاني ترجمانان یې دعراقي ترجمانانو په څیر همداسې بي برخلیکه پریښودل، ښايي ددغو بي برخلیکه  کسانو شمیره به نوره هم هغه وخت لوړه شي چې کله په راتلونکي ۲۰۱۴ کال کې ټول بهرني پوځیان له افغانستانه  ووزي اوافغاني ترجمانان همداسې خارج ته دځانګړیو ویزو (Special visas)په ارمان کې ارمانجن  ترشاپریږدي  .

ورته لیکنې

ګډون وکړئ
خبرتیا غوښتل د
guest
0 Comments
Inline Feedbacks
ټولې تبصرې کتل
Back to top button
0
Would love your thoughts, please comment.x
()
x
Close
Close