افغانستان

د سترې محکمې سرپرست رییس عبدالسلام عظیمي استعفا ورکړه

نن ټکی اسیا (پنجشنبه، لړم ۱، ۱۳۹۳ل): د سترې محکمې سرپرست رییس قاضي القضات عبدالسلام عظیمي د خپلې دندې څخه استعفا ورکړه.

د ارګ لخوا په خپره شوې خبرپاڼه کې راغلي چې اشرف غني احمدزي د نوموړي استعفا منلې او د نوموړي د دندې پر مهال کارونه يط ستایلي.

احمدزي همدا راز پوهاند عبدالسلام عظیمي ته د یو لړ مراسمو په ترڅ کې چې اجراییه رییس، لومړی مرستیال او دوهم مرستیال په ګډون لسګونه کسانو په کې شرکت درلود، د غازي امان الله خان دولتي مډال ورکړ.

اشرف غني احمدزي تر مډال ورکولو وروسته وویل چې پوهاند عظیمي د قانون په حاکمیت او د عدالت په تامین کې خدمتونه کړي او دی ویاړي چې د نوموړي د خدمتونو ستاینه کوي.

خبرپاڼه کاږي چې پوهاند عبدالسلام عظیمي خپل استعفا څو ورځې وړاندې اشرف غني ته وړاندې کړې وه چې د ګډ حکومت ولسمشر ومنله.

تر دې مهاله د پوهاند عظیمي د استعفا لامل نه دی څرګند شوی.

عبدالسلام عظیمي د ۲۰۰۶ ز کال د اګست میاشت راهیسې قاضي القضات و.

ورته لیکنې

ګډون وکړئ
خبرتیا غوښتل د
guest
0 Comments
Inline Feedbacks
ټولې تبصرې کتل
Back to top button
0
ستاسو نظر مونږ ته دقدر وړ دی، راسره شریک یې کړئx
()
x