افغانستان

هرات: استیناف نظامي محکمې د اردو یو افسر په اعدام محکوم کړ

نن ټکی اسیا (پنجشنبه، لړم ۱، ۱۳۹۳ل):  د هېواد په لویدیځ هرات ولایت څخه را رسېدلي راپورونه وايي چې ددغه ولایت  استیناف نظامي محکمې د اردو یو افسر د اعدام په جزا محکوم کړی.

د هرات ولایت د استیناف نظامي محکمې  رییس  ویلي چې دغه افسر خپل یو ملګری عسکر د خوب په حالت کې ویشتلی و.

لوړ پوړي افسران د خپلو ملګرو په وژنه یا په وهلو ټکولو  زیات وخت هغه مهال لاس پورې کوي چې ټيټ پوړي عسکر یو شمېر  خودسره کارونو ته غاړه نه ږدي.

د اردو، پولیسو او اربکیانو قومندانان په زیاتو سیمو کې د خپل شخصي دښمنیو غچ د خپل ټيټ پوړو عسکرو په لاس اخلي چې ځينې وختونه د ټيټې کچې عسکر دغه ډول عملونو ته تیار نه وي .

ویل کیږي چې د دغه افسر مدافع وکیل ویلي چې د استیناف نظامي محکمې حکم  غیرقانوني دی او دوی يې په ستره محکمه کې په اړه استیناف کوي.

نوموړی افسر تر دې وړاندې د هرات ابتدايي محکمې هم په اعدام محکوم کړی و.

ورته لیکنې

ګډون وکړئ
خبرتیا غوښتل د
guest
0 Comments
Inline Feedbacks
ټولې تبصرې کتل
Back to top button
0
ستاسو نظر مونږ ته دقدر وړ دی، راسره شریک یې کړئx
()
x