افغانستان

عبدالرشید راشد د سترې محکمې سرپرست رییس وټاکل شو

نن ټکی اسیا (پنجشنبه، لړم ۱، ۱۳۹۳ل):  وروسته له هغې چې د سترې محکمې پخواني سرپرست رییس پوهاند عبدالسلام عظیمي له دندې استعفا ورکړه او اشرف غني احمدزي د نوموړي استعفا ومنله، اشرف غني احمدزي عبدالرشید راشد د سترې محکمې د رییس په توګه ټاکلی.

د باختر خبري اژانس د راپور په اساس اشرف غني احمدزي د یو فرمان په ترڅ کې د قضاییه قوې د چارو د ښه والي په موخه عبدالرشید راشد د سترې محکمې د سرپرست په توګه ټاکلی.

عبدالرشید راشد په ۱۳۲۰ هـ ل کال په بغلان کې زیږیدلی دی. په ۱۳۴۳ هـ ل کال يې د کابل پوهنتون کې د شرعیاتو پوهنځي څخه فارغ شوی دی.rashed

عبدالرشید راشد په ۱۳۲۰ هـ ل کال په بغلان کې زیږیدلی دی. په ۱۳۴۳ هـ ل کال يې د کابل پوهنتون کې د شرعیاتو پوهنځي څخه فارغ شوی دی.
نوموړي په تېرو کلونو کې بېلابېلا دندې کړي.

په پیل کې د بغلان ولایت د ابتدائیه محکمې رییس په توګه وټاکل شو.

په ۱۳۴۹هـ ل  کال کې د سترې محکمې د عمومي عارضین مدیر په توګه وټاکل شو.

په ۱۳۵۱ هـ ل کې د سترې محکمې د تحریراتو رییس په حیث وټاکل شو.

په ۱۳۵۷ هـ ل کې د سترې محکمې د مامورینو قاضي وټاکل شو.

په ۱۳۵۸هـ ل کې کابل د تجارتي دیوان قاضي وټاکل شو.

په ۱۳۶۱هـ ل کې د عدليې وزارت د تجارت ریاست د دیپارټمنټ سرپرست وټاکل شو.

عبدالرشید راشد په ۱۳۸۳ کې د حامد کرزي لخوا د سترې محکمې شورا دغړی په توګه معرفي او په هماغه کال کی د افغانستان د پارلمان دتایید وړوګرځیده له ځنډپرته یی په کارپیل وکړ.
او نن د لړم په لومړۍ نېټه د اشرف غني احمدزي لخوا د سترې محکمې د سرپرست رییس په توګه وټاکل شو.

ورته لیکنې

ګډون وکړئ
خبرتیا غوښتل د
guest
0 Comments
Inline Feedbacks
ټولې تبصرې کتل
Back to top button
0
Would love your thoughts, please comment.x
()
x