افغانستان

کابل: د «افغانستان ایکسپریس» ورځپاڼې پر ضد لاریون وشو

نن ټکی اسیا (جمعه، لړم ۲مه ۱۳۹۳ل):  نن د جمعې په ورځ دکابل څخه خپریدونکې انګلیسي ورځپاڼې  افغانستان ایکسپریس  پر ضد په کابل او ننګرهار کې سختې مظاهرې وشوې.

د کابل په د عیدګاه  جومات کې د یو شمېر چارواکو په شمول زرګونه کسان راټول شوي وو  او  د حکومت څخه غوښتنه کوله چې د افغانستان ایکسپریس ورځپاڼې چلونکي دې ونیسي او سخت دې مجازات شي، څو په اینده کې نور کسان ددغسې مضامینو د خپرولو جرات ونه کړي.

افغانستان ایکسپریس څو ورځې وړاندې الله جل جلاله،  اسلام او پیغمبر صلی الله علیه وسلم پسې یوه توهین آمیزه لیکنه خپره کړې وه چې د افغانانو احساسات یې راپارولي.

د ملي وحدت او بهرنیو اډو سره د مخالفت جبهې یو مخکښ مشر او د ولسي جرګې پخواني غړي حاجي فرید د افغانستان ایکسپریس ورځپاڼې چلوونکو ته د سختې جزا ورکولو غوښتنه وکړه.

نوموړي د لاریون د ګډونوالو څخه ژمنه واخېسته چې که حکومت د افغانستان ایکسپریس ورځپاڼې چلوونکو ته جزا ورنه کړله دوی به ټول په یو اواز د کابل لارو کوڅو ته راووځي.

لاریون کې شریکو کسانو ته په وینا کې د سولې عالي شورا پخوانی ویاند او د ولسي جرګي غړي مولوي شهزاده شاهد وویل چې تر دې وړاندې هم مقدساتو ته سپکاوی شوې خو جزا نه ده ورکړل شوې.

مولوي شاهد وویل چې د بهرنیانو د راتګ سره اسلام، پیغمبر صلی الله علیه وسلم ته سپکاوی شوی او آن ځېنې مرتد شول خو د حکومت په مرسته دغه خلک له هېواده بهر وویستل شول او هيڅ سزا ورنه کړل شوه.

شاهد په وینا حکومت که د افغانستان ایکسپریس ورځپاڼې چلوونکو او لیکوال ته جزا ورنه کړي نو ګډوډۍ به رامنځته شي.

د غونډې په نورو ویناوالو کې  استادمحمد زمان مزمل، مشهور دیني عالم اود کابل ښارد حاجي عبدالرحمن جامع جومات خطیب مولوی عبدالسلام عابد اود یادې جبهې د مشرتابه شورا غړی شیخ عبدالهادي هادي وه.

د ژورنالیستانو او قلملوالو په خبره، په تېرو دیارلسو کلونو کې، چې د بیان د ازادي تر عنوان لاندې د ځينو خپلواکو او ارزښتونو ته د ژمنو رسنیو سربېره ځینو بې هویته رسنیو او لیکوالو هم خپرونې پیل کړې، دا د خپل ډول څوومه پېښه ده.

له دې وړاندې د عدلیې وزارت پخوانی ویاند او ژورنالیست غوث زلمی او پرویز کامخبش د اسلام سپېڅلي دین سپکاوی کړی، چې یو یې مخکې له دې چې څوک پرې خبر شي، بهر ته وتښتېد او د دوهم هغه په اړه ویل کېږي، چې که څه هم ظاهرا بندي دی؛ خو ښايي د حکومت او عدلي او قضايي ارګانونو د بې غورۍ او بهرنیو هېوادونو د  فشارونو له کبله پرېښودل شي.

ورته لیکنې

ګډون وکړئ
خبرتیا غوښتل د
guest
0 Comments
Inline Feedbacks
ټولې تبصرې کتل
Back to top button
0
Would love your thoughts, please comment.x
()
x