دیني، سیرت او تاریخ

د بِسْمِ اللهِ الّرَحْمَانِ الَّرَحِیْم فضیلت

د نن درس (اول د محرم)

لیکوال: استاد انجینر نورالله خان احمدزی

رسول الله صلی الله علیه وسلم فرمایلي، چې پر ما یو داسې آیت نازل شوی، چې هیڅ نبي باندې بغیر د حضرت سلیمان علیه السلام څخه ندی نازل شوی هغه آیت ده بِسْمِ اللهِ الّرَحْمَانِ الَّرَحِیْم.

حضرت جابر رضی الله عنه فرمایي کله چې دا آیت نازل شو:

۱: هوا ګانې دمشرق خوا ته روانې شوې ۲: هواګانې ساکنې یا اودرېدې.

۳: سمندرونه ودرېدل. ۴: ځناورو غوږونه کېښول. ۵: پر شیطانانو باندې له آسمانه شغلې را ولوېدې. ۶: د ټول عالم پالونکي پخپل عزت او جلال باندې سوګند وخوړ او ویې فرمایل چې پر هر هغه شي چې زما دا نوم چا یاد کړ نو په هغه کې به ضرور برکت وي.

حضرت ابن مسعود رضی الله عنه فرمایي، چې که څوک وغواړي چې دجهنم له نولس (۱۹) داروغه وو یا ساتونکو څخه ځان وساتي هغه دې بِسْمِ اللهِ الّرَحْمَانِ الَّرَحِیْم ووایي او د بسم الله هم نولس حروف دي هر حرف به د هرې پرښتې یا ملایکې څخه ساتنه کوي دا ابن عطیه هم بیان کړي او ددې تائید د یوه حدیث څخه هم کیږي، لکه: وايي ما دېرشو څخه ډیرې ملایکې ولیدلې چې هغوی عجله کوله دا حضور صلی الله علیه وسلم هغه وخت وفرمایل چې یوکس رَبَّنَا وَلَکَ الْحَمْدُ حَمْدًا کَثَیْرًا طَیِّبًا مًبَارَکًا فِیْهِ لوسته ـ او دلته هم له دېرشو څخه ډېر حروف دي او همدومره ملایکې ورسره نازلې شوي، همدارنګه د بِسْمِ اللهِ الّرَحْمَانِ الَّرَحِیْم هم نولس حروف دي چې ورسره د ملایکو تعداد هم نولس ده.

مسند احمد کې راغلي: د حضرت محمد صلی الله علیه وسلم سره کوم صحابي چې د سورلۍ وروسته ناست وو د هغه بیان ده، چې د حضور صلی الله علیه وسلم اوښه لږ وښویېده نو ماوویل چې شیطان دې برباد وي ـ هغه مبارک وفرمایل چې داسې مه وایه له دې سره شیطان مغروره کیږي او ګمان کوي چې ده پخپل قوت سره دا اوښه غورځولې ده هو بِسْمِ اللهِ الّرَحْمَانِ الَّرَحِیْم ویلو سره هغه د مچ پشان ذلیل او خواریږي. یوه حدیث کې راغلي کچیرته په بِسْمِ اللهِ الّرَحْمَانِ الَّرَحِیْم د ثواب کوم کار پیل نشي، نو هغه کې برکت نه وي یعنې هغه کار بې برکته وي.

About the author

استاد نورالله خان احمدزی د لوګر ولایت دی، د دیني زده کړو سربېره یې په دنیوي زده کړو کې د لیسانس تر کچي درس ویلي، په اداره او منیجمنټ کې کافي تجربه او پوهه لري. اوس مهال یې ډیره توجه ددیني علومو خدمت ده، او غواړي په دې اړه څو مهم کتابونه وژباړي.

ورته لیکنې

ګډون وکړئ
خبرتیا غوښتل د
guest
0 Comments
Inline Feedbacks
ټولې تبصرې کتل
Back to top button
0
Would love your thoughts, please comment.x
()
x