د «افغانستان ایکسپریس » ورځپاڼې مسوول مدیر له هېواده ویستل شوی

نن ټکی اسیا (دوشنبه، لړم ۵مه ۱۳۹۳ل): د کورنیو چارو وزارت وايي چې د «افغانستان ایکسپریس» نومې ورځپاڼې مسوول مدیر له هېواده تښتېدلی دی.

افغانستان ایکسپریس ورځپاڼې چې د تلې په ۲۳مه يې یوه لیکنه چې الله جل جلاله، محمد صلی الله علیه وسلم، قران کریم او اسلام ته په کې سپکاوی شوی و خپره کړې وه.
ددغې مقالې لیکوال جاوید اهوار نومیږي او د هېواده بهر اوسیږي.

که څه هم د افغانستان ایکسپریس ورځپاڼې پر ضد د افغانستان په ګوټ ګوټ کې لاریونونه وشول او لا هم روان دي، د ګډ حکومت ولسمشر، اجراییه رییس، وزیرانو شورا او ان عبدالرب رسول سیاف دغه مقالې لیکوال له اسلامه وتلی وباله.

د اطلاعاتو او فرهنګ وزارت سلاکار جلال نوراني پژواک خبري اژانس ته ویلي چې یاد وزارت څو ورځې وړاندې کورنیو چارو وزارت ته مکتوب استولی څو د افغانستان ایکسپریس ورځپاڼې لیکونکی، مسوول مدیر او نور اړوند مسوولین ونیسي.

خو کورنیو چارو وزارت تر دې مهاله د افغانستان ایکسپریس ورځپاڼې هیڅ یو مسوول نه دی نیولی.

نوراني وايي چې کورنیو چارو وزارت د دغو کسانو د نیولو او تښتیدلو په اړه هيڅ معلومات نه دي ورکړي.

که څه هم ولس په دې باور لري چې د افغانستان ایکسپریس ورځپاڼې مسوول مدیر ته حکومت د بهرنیو ځواکونو پر امر د وتلو لاره برابر کړې خو د کورنیو چارو وزارت ویاند صدیق صدیقي وايي چې د یادې ورځپاڼې مسوول مدیر له افغانستانه تښتېدلی دی.

صدیقي وايي چې یو شمېر کسان یې نیولي او تر عدلي تعقیب لاندې راوستي دي خو نوموړي دا څرګنده نه کړله چې یاد کسان څوک او په افغانستان ایکسپریس ورځپاڼه کې يې څه دنده ترسره کوله.

داسې راپورونه هم ورکول شوي چې دولت د هغې مطبعې کارکوونکي نیولي چې د افعانستان ایکسپریس په شمول یو شمېر ورځپاڼې چاپوي، د حقوق پوهانو په اند دغه کسان په دغه قضیه کې پړه نه دي، بلکې اصلي پړه مسوول مدیر، ایډيټر او د مقالې لیکوال دی.

avatar
1 د تبصرو شمېر
0 د ځوابونو شمېر
0 ار ایس ایس کې ګډونوال - څارونکي
 
ډېر غبرګون شوې تبصره
تر ټولو ګرمه موضوع
  ګډون وکړئ  
نویو زړو ډیرو خوښو شویو
خبرتیا غوښتل د
شبيراحمدحماس
میلمه

سبحان الله ڈیره عجیبه خبره ده چی قران کریم دی سوک بی عزتی وکری اوبیادی دی دافغانسان سخہ ووی.دا کہ یی اوس یو مجاهدٹینگ کڑی وی چہ اوس بیا دبگرام پہ زندان کی بہ بیاناست وی