نړۍ

سویډن د اروپايي اتحاد د لومړني غړي په توګه فلسطین په رسمیت وپيژندلو

نن ټکی اسیا (پنجشنبه، لړم ۸مه ۱۳۹۳ل): د سویډن هېواد نن /پنجشنبه، اکتوبر ۳۰مه/ فلسطین په رسمیت وپيژندلو.

سویډن په دې سره لومړنی اروپايي هېواد دی چې په اروپايي اتحاد کې غړیتوب لري او فلسطین په رسمیت پيژني.

خو بالمقابل بیا د اروپايي اتحاد زیاتو هېوادونو اسراییل په رسمیت پيژندلی او دیپلوماتیکي اړیکي ورسره لري.

د سویډن د بهرنیو چارو وزیر مارگوت وال سټروم د فلسطین په رسمیت پيژندلو په اعلان کې وویل چې دوی د فلسطین په رسمیت پيژندلو لپاره یو مهم ګام اوچت کړی.

سويډن لومړي وزیر د روان کال د اکتوبر په پیل کې ویلي و چې حکومت یې غواړي فلسطین په رسمیت وپيژني، خو اسراییلو د سويډن د لومړي وزیر ددغو څرګندو پر ضد سخت غبرګون ښوولی و.

اسراییل چې په سیمه کې ترهګر پيژندل کیږي او د سیمې زیاتو هېوادونو د نا امنیو مسوولین هم ګڼل کیږي په خپل غبرګون کې ویلي و چې فلسطین په رسمیت پيژندل د سیمې امنیت لپاره خطرناک دي. همدا راز د امریکا متحده ایالتونو هم د فلسطین په رسمیت پيژندلو باندې نیوکه کړې وه.

په عین حال کې د فلسطین ولسمشر محمود عباس د سویډن دغه اقدام ستایلی او ویلي دي چې نور هېوادونو دې هم د سویډن پر لاره ولاړ شي.

فلسطیني چارواکي وايي چې تر دې مهاله د نړۍ ۱۳۴ هېوادونو فلسطین په رسمیت پيژندلی چې ۷ يې د اروپايي اتحاد غړي دي، دغو غړو هېوادونو (چک جمهوریت، پولنډ، بلغاریا، رومانیا، مالټا، قبرص او هنګري) په اروپايي اتحاد کې تر شاملېدو وړاندې فلسطین په رسمیت پيژندلی و.

ورته لیکنې

ګډون وکړئ
خبرتیا غوښتل د
guest
0 Comments
Inline Feedbacks
ټولې تبصرې کتل
Back to top button
0
ستاسو نظر مونږ ته دقدر وړ دی، راسره شریک یې کړئx
()
x