افغانستان

طالبان: «د ننګرهار په پچیر اګام کې مهمه قرارګاه او څو پوستې تخلیه شوې»

نن ټکی اسیا (دوشنبه، لړم ۱۲مه ۱۳۹۳ل): د ننګرهار ولایت په پچیر اګام ولسوالۍ کې سیمه ییزو پولیسو (اربکیانو) مهمه پوځي قرارګاه او څو پوستې تخلیه کړي دي.

د طالبانو ویاند ذبیح الله مجاهد لخوا نن ټکي اسیا ته په رالېږل شوې خبرپاڼه کې ویلي چې د پچیراګام ولسوالۍ په قرارګاه او پوستو باندې له تېرو څو ورځو راهیسې بریدونه روان وو.

طالب ویاند له قوله په چینارګي نومې سیمه کې د دوی ملګرو پر ۵ پوستو بریدونه پیل کړل چې دوې پوستې یې ونیولې او ۳ نورې د قراره ګاه په شمول تر «سختو» بریدونو لاندې وې.

د ننګرهار ولایت د امنیه قومندانۍ مطبوعاتي مسوول حضرت حسین مشرقیوال ویلي چې د دوی په چپرهار او پچیر اګام ولسوالۍ کې د دولت د وسله والو مخالفینو پر ضد عملیات پیل کړی.

مشرقیوال زیاتوي چې د عملیاتو موخه یې د طالبانو څخه د یادو ولسوالیو تر منځ د غځېدلې لارې پاکول دي.

خو طالب ویاند بیا وايي چې دولت د پچیر اګام ولسوالۍ د مهمې قرارګاه او پوستو څخه د پولیسو او اربکیانو ویستلو لپاره راغلي و او نن د لړم په ۱۲مه ۲ بجې له یادې قرارګاه او پاتې ۳ پوستو څخه په ټولییزه توګه ووتل.

مجاهد زیاتوي چې د پولیسو او اربکیانو تر وتلو وروسته « قرارګاه اوپوستې په خپل واک کې راوستې او ډير نظامي توکي يي ترې غنيمت کړل، همدا راز عامو خلکو ته هم اجازه ورکړل شوه چې له دښمن څخه پاتي شوي ، البسه او خوراکي توکي له ځانه سره يوسي.»

په عین حال کې مشرقیوال وايي چې د پچیراګام ولسوالۍ اړوند په شګۍ سیمه کې د طالبانو تر برید لاندط راغلي خو دوی ته کوم مالي ځاني زیان نه دی اوښتی.

مشرقیوال ویلي چې عملیاتو پلان د یوې ورځې لپاره نیول شوی و خو د اړتیا په صورت کې وغځول شو.

ورته لیکنې

ګډون وکړئ
خبرتیا غوښتل د
guest
0 Comments
Inline Feedbacks
ټولې تبصرې کتل
Back to top button
0
Would love your thoughts, please comment.x
()
x