نړۍ

سعودي: وسله والو ۵ کسان وژلي

نن ټکی اسیا (سه شنبه، لړم ۱۳مه ۱۳۹۳ل): سعودي چارواکي وايي چې د عاشورا په ورځ څو تنو مخپټو وسله والو ۵ کسان پر ډزو وژلي او ۹ يې ټپیان کړي دي.

عربي رسنۍ د سعودي چارواکو له قوله لیکلي چې پېښه بېګا شپه د دغه هېواد په ختیځ الاحسا نومې سیمه کې رامنځته شوې.

د سعودي د کورنیو چارو وزارت ویاند وايي چې ۳ تنو مخپټو وسله والو چې تمانچې او نورې وسلې ورسره وې، د یوې ودانۍ څخه پر وتونکو خلکو ډزې وکړې.

ویاند زیاتوي چې ډزو ۵ کسان وژلي او ۹ نور يې ټپیان کړي او بریدګر په تېښته بریالي شوي دي.

نوموړی همدا راز رسنیو ته وویل چې د پېښې سره د تړاو په تور یې ۶ کسان نیولي او د پېښې په اړه يې څېړنې پیل کړي.

ویل کیږي چې په دغه سیمه کې شیعه وګړي اوسیږي او وژل شوي کسان هم شیعه ګان دي.

ورته لیکنې

ګډون وکړئ
خبرتیا غوښتل د
guest
0 Comments
Inline Feedbacks
ټولې تبصرې کتل
Back to top button
0
ستاسو نظر مونږ ته دقدر وړ دی، راسره شریک یې کړئx
()
x