افغانستان

تخار: مور خپله نوې زېږیدلې لور وژلې؛ کاپسا کې یوې معلمې ځانوژنه کړې

نن ټکی اسیا (چهارشنبه، لړم ۱۴مه ۱۳۹۳ل): د هېواد په شمال تخار ولایت کې یوې مور خپله نوې زیږدلې لور وژلې ده.

د تخار ولایت امنیه قومندانۍ ویاند خلیل اسیر ویلي چې دغې ښځې خپله لور تر زیږیدلو ۲ ساعته وروسته خفک کړې او وژلې یې ده.

د اسیر په وینا پېښه تېره ورځ ناوخته د ینګي قلعه ولسوالۍ د خواجه حافظ په سیمه کې رامنځته شوې.

اسیر د دغې پېښې تر شا لامل کورنی تاوتریخوالی ګڼي.

«د دې مېرمنې له واده ٤٠ ورځې تېرېږي. هغه وايي د نامزدۍ پر مهال د خپل مېړه له خوا امينداوره شوې، خو مېړه يې ماشوم خپل نه ګڼي.»

د تخار امنیه قومندانۍ ویاند وایي چې د پېښې په تړاو يې د ماشومې مور نیولې او د یادې پېښې د څرنګوالي په تړاو له مېرمنې او میړه څخه نورې څېړنې هم کوي.

کاپيسا کې ښځېنه معلمې ځان وژنه کړې

بل پلو د کاپيسا ولایت په کوهستان اول کې یوې ښځېنه معلمې ځان وژنه کړې.

د کوهستان اول ولسوال عبدالفتاح شفیق د لړم پر ۱۴مه پژواک ته ویلي چې دغه پېښه تېره ورځ د ملاخیل په سیمه کې رامنځته شوې.

نوموړي زیاته کړه چې د ملاخیل په سیمه کې یوې ۳۸ کلنې معلمې په مرۍ کې پړی اچولی او ځان یې وژلی.

ولسوال وايي چې د پېښې په تړاو پولیسو څېړنې پيل کړي خو تر دې مهاله د پېښې اصلي لامل نه دی معلوم شوې.

شفیق وايي چې یو کس یې د پېښې سره د تړاو په تور يې یو کس نیولی چې تحقیقات ترې روان دي.

ورته لیکنې

ګډون وکړئ
خبرتیا غوښتل د
guest
0 Comments
Inline Feedbacks
ټولې تبصرې کتل
Back to top button
0
ستاسو نظر مونږ ته دقدر وړ دی، راسره شریک یې کړئx
()
x