نړۍ

د امريکا منځمهالو ټاکنو کې جمهوري پلوو ډېرې چوکۍ ترلاسه کړي

نن ټکی اسیا (چهارشنبه، لړم ۱۴مه، ۱۳۹۳ل): د امريکا جمهوري پلوه ګوند يو ځل بيا د امريکا د مشرانو جرګې واک تر لاسه کړ او ديموکراتانو ته يې تاريخي ماتې ورکړه.

له ۲۰۰۶ را وروسته په لومړي ځل جمهوري پلوه سناتورانو د مشرانو جرګې واک خپل کړ.

د امريکا د جمهوري پلوه ګوند غړو کلرادو، شمالي کارولينا، ورجينا، ارکانزاس، سويلي ډاکوټا، آيوا او موناتا ايالتونو کې د سنا ټاکنې وګټي او ديموکراتانو ته يې ماتې ورکړې ده.

خلک نور د اوباما پر حکومت باور نه کوي

د امريکا سنا «مشرانو جرګه» کې د اپوزيسيون مشر سناتو ميچ ميککانل سنا کې د ډيموکرات ګوند په استازيتون د سنا ريس وټاکل شو.

ښاغلي ميککانل په خپلو لومړيو خبرو کې وويل، چې له ټاکنو مالوماه شوه، چې د امريکا ولس نور د اوباما پر حکومت باورنه لري.

د اوسنيو منځمهالو ټاکنو په نتيجه کې جمهوري پلوه د امريکا سنا کې ۵۲ او ديموکراتان ۴۵ چوکۍ لري.

د کارپوهانو په اند د امريکا د منځمهالو ټاکنو پايلې ناببره بدلې نه شوې، بلکې امريکايي ولس او په خپله د ديموکرات ګوند غړي هم د اوباما حکومت له سياست او پاليسيو خوابدي وو او د اوباما د اوسنۍ پاليسي له امله پر نوموړي ډېرې سختې نيوکې پيل شوي.

وروستۍ سروې وايي، چې اوباما تر ټولو منفور ولسمشر دی او د افغانستان او عراق د جګړو په ګډون امريکا کې د صحت، بيمې او يو شمېر نورو مسئلو په اړه يې ولس کې محبوبيت لږ شوی دی.

وړمه ورځ نيويارک ټايمز ورځپاڼې ليکلي و، چې د ولسي خلکو او د ګوند غړو د سختو پرله پسې نيوکو له امله اوباما د خپلې کابينې يو شمېر مهم وزيران له دندو ګوښه کوي او پر ځای يې نوي وزيران ټاکي.

په دغو وزيرانو کې د بهرنيو چارو وزير جان کيري او دفاع وزير چيک هيګل شامل دي.

د راپورونه له مخې جمهوري پلوه سناتوران هوډ لري، چې د بهرني او کورني سياست او نورو اړوندو مسايلو کې د اوباما پرېکړې وننګوي او هغه کسان، چې اوباما په اداري او قضايي چارو کې پر لوړو چوکيو ټاکلي، له خپلو دندو لرې او پر ځای جمهوري پلوه کسان وټاکي.

ورته لیکنې

ګډون وکړئ
خبرتیا غوښتل د
guest
0 Comments
Inline Feedbacks
ټولې تبصرې کتل
Back to top button
0
ستاسو نظر مونږ ته دقدر وړ دی، راسره شریک یې کړئx
()
x