افغانستانخبرونه

سعادت: د ملي یووالي حکومت «غیرقانوني» دی

نن ټکی اسیا (پنجشنبه، لړم ۱۵مه، ۱۳۹۳ل): د افغانستان د ټاکنیزو شکایتونو د کمېسیون رييس عبدالستار سعادت وايي چې د ملي يووالي حکومت «غیرقانوني» دی. ښاغلی سعادت زیاتوي چې دا حکومت په اوږدمهال کې د ناکامو نوماندو د غوښتنو منلو زمینه برابروي.

دا لومړی ځل دی چې د ټاکنیزو کمېسیونونو یو لوړپوړی چارواکی د اوسني حکومت مشروعیت تر پوښتنې لاندې راولي.

دا په داسې حال کې ده چې تېره ورځ ولسي جرګې د ټاکنیزو شکایتونو چارواکي په درغلیو تورن کړل او ځینو وکیلانو یې څارنوالۍ ته د معرفۍ غوښتنه هم کوله.

ښاغلی سعادت زیاتوي: «له اوږدمهاله ناندریو وروسته دې نتیجې ته رسېږو چې په ټاکنو کې د ناکامۍ په صورت کې هم کېږي د لاریونونو له لارې په زوره راتلونکي حکومت کې څوک ځان ځای کړي».

د ټاکنیزو شکایتونو د کمېسیون رييس وايي، تر هغې بریالۍ ټاکنې نه شو لرلای چې د افغانستان ټاکنیز جوړښت اصلاح نه شي.

د ۹۳کال د ولسمشرۍ ټاکنو کې د نوماندو ترمنځ له اوږدمهاله ناندریو او لانجو وروسته د متحده ایالاتو د بهرنیو چارو وزیر، جان کېري پرېکړه وکړه چې ګټونکی دې ولسمشر او بایلونکی دې د «اجراییه رييس» په نامه په نوې څوکۍ ولګېږي. د یادولو وړ ده چې رسماً د افغانستان د تېرو ټاکنو ګټونکی او بایلونکی نه لرل.

ورته لیکنې

ګډون وکړئ
خبرتیا غوښتل د
guest
0 Comments
Inline Feedbacks
ټولې تبصرې کتل
Back to top button
0
ستاسو نظر مونږ ته دقدر وړ دی، راسره شریک یې کړئx
()
x