افغانستان

ننګرهار کې چاودنې د پولیسو اکاډمۍ درې استادان ووژل

نن ټکی اسیا (دوشنبه، د لړم۱۹مه، ۱۳۹۳ل):  نن سهار وختې شاوخوا اوو ه نیمې بجې په جلال اباد ښار کې د پولیسو اکاډمۍ د روزونکو او استادانو پر موټر چاودنه شوې.

چاودنه سهار وختې د جلال اباد ښار د ګمرک ریاست ته څېرمه د پولیسو اکاډمۍ د استادانو پر لېږدونکي رینجر موټر په داسې حال کې وشوه، چې پر سړک ګڼه ګوڼه کمه او عام خلک لا بازار ته نه وو راوتلي.

د ننګرهار سیمه یېزو امنیتي چارواکو د چاودنې پخلی کړی او له لومړنیو معلوماتو سره سم، په دې چاودنه کې تر اوسه د پولیسو درې تنه استادان وژل شوي او درې نور ژوبل دي؛ خو د تلفاتو د کره شمېر په اړه وروستي مالومات تر دې دمه په لاس کې نشته.

 ویل کېږي، چې چاودنه له لیرې د کنټرولېدونکي ماین په مټ را منځته شوې، خو ځينې نور بیا شک کوي، چې ښايي دا یو سرتېری برید و.

طالبانو تر دې مهاله د پېښې په تړاو څه نه دي ویلي.

د نورو جزیاتو لپاره نن ټکی اسیا څارئ.

ورته لیکنې

ګډون وکړئ
خبرتیا غوښتل د
guest
0 Comments
Inline Feedbacks
ټولې تبصرې کتل
Back to top button
0
Would love your thoughts, please comment.x
()
x