کيله، چې نورو ميوسره يو ځای وي نورې ميوې ژر خرابيږي

نن ټکی اسیا (سه شنبه، لړم۲۰مه ۱۳۹۳ل): د المان د خوراکي توکيو يوې متخصصې ويلي، چې تازه کيلې له نورو ميوو سره يو ځای مه ږدئ، ځکه چې کيله نورې ميوې له وخته مخکې خرابوي.

د خوراکي توکيو المانۍ متخصصه هايډرون شوبرټ وايي، چې کيله د ايتيلين په نوم يو ډول ګاز لري او هر کله چې کيله له نورو ميوو سره يو ځای کيښودل شي، نو نورې ميوې له خپل وخته مخکې له کاره وباسي.

شوبرټ زياتوي، چې د کيلې تر څنګ ام او مالټه هم ايتيلين ګاز لري او بايد له نورو ميوو څخه لرې کيښودل شي، تر څو نورې ميوې له وخته مخکې وچې يا خوسا نه کړي.

هايډرون شوبرټ وايي، چې ميوې بايد په ګرمو کوټو او د سبزيو تر څنګ کښينښودل شي، ځکه چې په دې حالت هم ميوې ژر خرابيږي.

د نن ټکی اسیا یوټیوب چېنل
avatar
  ګډون وکړئ  
خبرتیا غوښتل د