fbpx
quran-kanzul-islam

د “وَحِفْظًا” په جمله کې قراني اعجاز

حامد افغان

په کال 1994م د می په میاشت کې د شوماکر لیفي په نوم لکۍ لرونکی comet د مشتري ستوري ته نږدې شو او 21ټوټې وګرځیدی ، چې لویه ټوټه یې (د همدې کال په جولایي کې له مشتري سره تر لګیدلو مخکي) دوه کیلومیتره وه، او د لکۍ لرونکي ټولې ټوټې د همدې کال په جولایي کې له مشترې سره ولګیدلې، که چرته دا لکۍ لرونکی د ځمکې په کُره لګیدلي وی نو ټول شموله هلاکت به یې رامنځته کړی و لکه چې ویل کیږي اتیا ملیونه کاله مخکي دا ډول یوه ټکر د ډیناسورونو نسل له منځه وړی و.
په شمسي ستوريو کې مشتري تر ټولو غټ ستوري ده او د ځمکې په نسبت د هغه کتله 318 برخې لویه ده، که لمريزو ستورو شتون نه لرلی نو د ځمکې په کُره به د دې لکۍ لرونکو د لګیدلو احتمال زیات و ، ساینسپوهان وایي: په ځانګړې توګه مشتري ځمکه له لکۍ لرونکو ژغوري ځکه د ځمکې په نسبت له مشتري سره د لکۍ لرونکو لګیدل له 2000نیولې تر 8000 پوري زیات ده، مطلب دا چې ځمکه د مشتري ستوری له لکۍ لرونکو ساتلې ده .

له دې لنډو معلوماتو وروسته راځو قرانکریم ته، الله جل جلاله دری ځایه د مصابیح (ستورو) یادونه کړې ده او د هغو په اړه یې دوه خبرې کړې دي: یوه دا چې مصابیح او ستوري د اسمان ځلا او ښکلا ده او بله خبره دا ده چې دا مصابیح ساتونکي دي، دا ایتونه په دې دریو سورتونو کې داسي راغلي دي: په سورة الصافات 6 ایت : إِنَّا زَيَّنَّا السَّمَاءَ الدُّنْيَا بِزِينَةٍ الْكَوَاكِبِ، وَحِفْظًا مِّن كُلِّ شَيْطَانٍ مَّارِد. په سورة فصلت 12ایت : وَزَيَّنَّا السَّمَاءَ الدُّنْيَا بِمَصَابِيحَ وَحِفْظًا. په سورة الملك 5ایت : وَلَقَدْ زَيَّنَّا السَّمَاءَ الدُّنْيَا بِمَصَابِيحَ وَجَعَلْنَاهَا رُجُومًا لِّلشَّيَاطِين.ِ

په ایت کې دا خبره چې ستوري د شیطان له پاره رجم کوونکي ګرځول شوي دي بیله موضوع ده زموږ له بحث سره اړیکه نه لري موږ دلته د فصلت سورة ایت را اخلو: وَزَيَّنَّا السَّمَاءَ الدُّنْيَا بِمَصَابِيحَ وَحِفْظًا. دلته په لنډه توګه د اعجاز مهم ټکي را اخلو: 1- په قران کې له مصابیح نه مراد ستوري دي. 2- ستوري که د اسمان ښکلا ده نویو څیړنو وښودله چې د ځمکې ساتونکي هم دي. 3- د دنیا په اسمان کې د لمریز نظام ستوري دي.

avatar
1 د تبصرو شمېر
0 د ځوابونو شمېر
0 ار ایس ایس کې ګډونوال - څارونکي
 
ډېر غبرګون شوې تبصره
تر ټولو ګرمه موضوع
  ګډون وکړئ  
نویو زړو ډیرو خوښو شویو
خبرتیا غوښتل د
بارک خیل
میلمه
بارک خیل

ډاینو سار چي دومره کلونه کیږي نو دا خو بیا داحادیثو څخه بوره په ټکر کي ده