افغانستان

هلمند: طالبانو د ملي اردو یوولس عسکر ژوندي نیولي

 

نن ټکی اسیا (چهارشنبه، لړم ۲۸مه، ۱۳۹۳ل): د هلمند ولایت چارواکي وايي چې طالبانو په یوه برید کې د ملي اردو یوه پوسته له منځه وړې او یوولس عسکر يې ژوندي له ځان سره وړي دي.

په هلمند کې یوې امنیتي سرچینې رسنیو ته ویلي چې طالبانو په نوزاد کې د ملي اردو پوسته نیولې او عسکر يې وړي دي.

د هلمند ولایت د والي ویاند عمر ځواک وايي چې برید تېره شپه د نوزاد ولسوالي په سرکاڼو سیمه کې شوی دی.

نوموړی وايي چې دوی ته د دریو عسکرو د ټپي کېدو خبر ورکړل شوی او د عسکرو له ژوندي نیولو يې بې خبري  وښوده.

وړاندې امنیتي سرچینې د نوم نه ښودو په شرط رسنیو ته ویلي چې طالبان لا هم په یاده سیمه کې واکمن دي او ویل کېږي چې نوي ځواکونه ور استول شوي دي.

د والي ویاند هم وايي چې دوی نوزاد ته تازه دمه عسکر لېږلي دی، خو دا يې ونه ویل چې جګړه لا هم شته او که پای ته رسېدلې ده.

دا په داسې حال کې ده چې تېره ورځ د کورنیو چارو وزارت سرپرست وزیر هم د امریکا له سفیر سره په خبرو کې دخپلو عسکرو د کمزورۍ خبره وکړه.

یاده دې وي په هلمند کې له روان لمریزکال له پیل راهیسې جګړه روانه ده،چې له ځینو ولسوالیو يې ګڼ شمېر اوسېدونکي کډوالۍ ته اړ شوي دي.

طالبانو تر اوسه د نوزاد د دې جګړې او دعسکرو د نیول اړوند څه نه دي ویلي.

ورته لیکنې

ګډون وکړئ
خبرتیا غوښتل د
guest
1 Comment
زړو
نویو ډیرو خوښو شویو
Inline Feedbacks
ټولې تبصرې کتل
Malim

هیله ده ددی مهم او عایداتی خبر جزیات هم ټالیبان نشر کړی

لکه دا چه

په انعام کښی یی څومره دال څومره پاکستانۍ کالداری او څومره د ملت لعنتونه انعام واخستل

تر څو ملت هم خبر شی چه دا ملی اوردو ولی او د څه لپاره ووژل شول او څومره لعنت خلکو پر ټالیبانو زما په شمول ووایه

د یوی کره کتنی له مخی له تیری ورځي را هیسی نژدی ۱۹ میلونه هیوادوالو د ټالیبانو پر دی کار سخت لعنت ووایه او ټالیبان یی د امریکا انګلیستان او پاکستان غلامان او د مخدره موادو د تجارت ستر خره وبلل

Back to top button
1
0
Would love your thoughts, please comment.x
()
x