افغانستان

واک د وېش پر سر د ولسمشر او اجراییه رييس ترمنځ اختلافات پر خپل ځای دي

نن ټکی اسیا (پنجشنبه، لړم ۲۹مه، ۱۳۹۳ل): څه کم دوې میاشتې وشوې چې نوی حکومت تشکیل شوی؛ خو کابینه لا نه ده جوړه شوې. ولسمشر ژمنه کړې وه چې ۴۵ورځو کې به کابینه جوړه کړي.

د ګډ حکومت د نوې کابینې جوړېدو په باب تازه خبرونه وايي چې د ګډ حکومت د ولسمشر او اجراييه رييس ترمنځ لانجه لا هم پر خپل ځایه ده.

د اختلاف جرړه د واک د وېش په باب په لاسلیک شوي هوکړه لیک کې د ابهامونو شتون په ګوته شوی.

د ښاغلي عبدالله عبدالله ویاند، مجیب الرحمن رحیمي وايي چې د ولسمشر او اجراييه رييس ترمنځ د واک د وېش په تړاو بحثونه او خبرې اترې په «شدت» روانې دي، مګر د څېرو په اړه تر اوسه خبرې نه دي شوي.

د عبدالله عبدالله ټیم ته یوې نژدې سرچینې څرګنده کړه چې تر اوسه د واک وېش نه دی جوت شوی. کله چې د دواړو مشرانو ترمنځ وزارتونه معلوم شي، بیا هر وزارت لپاره د مشخصې څېرې غوره کول د دواړو رهبرانو کار دی.

له بلې خوا بیا د ولسمشر حقوقي سلاکار وايي چې د موازي وزارتونو شتون د دې لامل شوی چې د کابینې اعلان وځنډېږي.

دا په داسې حال کې ده چې په نوې کابینه کې د ځینو څېرو د شتون په اړه د ولسمشر او اجراييه رييس ترمنځ اختلافات شته.

د نوې کابینې د اعلان ځنډ په پلازمېنه کابل کې سوداګرو ته ډېر زیانونه اړولي دي. سربېره پر دې بیا د ولسمشر لومړی مرستیال، جنرال عبدالرشید دوستم د وروستیو ناامنیو لامل د کابینې ځنډ ګڼي.

ورته لیکنې

ګډون وکړئ
خبرتیا غوښتل د
guest
0 Comments
Inline Feedbacks
ټولې تبصرې کتل
Back to top button
0
ستاسو نظر مونږ ته دقدر وړ دی، راسره شریک یې کړئx
()
x