افغانستان

سعودي افغانستان کې تر ټولو ستر اسلامي مرکز جوړوي

نن ټکی اسیا ( جمعه، لړم۳۰مه، ۱۳۹۳ل): سعودي عربستان په افغانستان کې د تر ټولو ستر اسلامي مرکز د جوړولو قرارداد له یوه سعودي شرکت سره لاسلیک کړ.

ټاکل شوې ده، چې د سعودي عربستان په لګښت د اسلامي زده کړو دغه جوړېدونکی ستر مرکز ، چې د ملک عبدالله په نوم نومول کېږي، د کابل ښار په مرنجان تپه کې د ۱۱۹ کیلومتره مربع مساحت  لرونکې ساحه کې د دوو کلونو په بهیر کې جوړ شي.

په دې مرکز کې به یو ستر پوهنتون، د ۵۰۰۰ کسانو لپاره د شپې لیلیه، روغتون، لوبغالی ، مسجد چې په یوه وخت کې به ۱۵۰۰۰ کسان پکې لمونځ کولای شي او د غونډو یو ستر او پراخ تالار ځای ولري.

 د سعودي عربستان دولت ویلي، چې د دغه مرکز د جوړولو لپاره یې «سپين چیک» لالیک کړی او د مرکز ټولټال لګښت له ۴۵ نه تر ۱۰۰ ملیونه ډالرو پورې اټکل شوی.

په افغانستان کې د سعودي سفیر عبدالرحمن الغاصب د ملک عبدالله اسلامي مرکز  د اعلان پر  مهال وویل، چې په دې مرکز کې به د معتدل اسلام زده کړې په عربۍ ژبه ترسره کېږي.

سفیر وویل : « سعودي عربستان هر وخت له افراطیت او بنسټپالنې سره مبارزه کړې، اوس هم دې مبارزې ته ژمن دی او په دغه مرکز کې به د معتدل اسلام په پلوۍ او د افراطیت ضد زده کړې ورکول کېږي. »

په ورته وخت کې د حج او اوقافو سرپرست وزیر محمد یوسف نیازي د دغه مرکز په اړه وویل، چې دا به په سېمه کې د اسلامي زده کړو تر ټولو ستر مرکز وي .

نوموړي د دغه مرکز موخه له بهرنیو هېوادونو د افغان طالبانو او د دیني زده کړو د مینه والو او زده کوونکو را ګرځول او د حکومت د تعلیمي پالیسۍ سره د مطابقو زده کړو ور ښودل په ګوته کړل.

ښاغلي نیازي زیاته کړه، چې د دغه مرکز د ادارې چارې به د سعودي او افغانستان د حج او اوقافو وزارت له لورې په ګډه پر مخ وړل کېږي او د دواړو لوریو تر څارنه به لاندې وي . همداراز نصاب او د زده کړې میتود به یې هم د افغانستان د حج او اوقافو وزارت ټاکي.

ورته لیکنې

ګډون وکړئ
خبرتیا غوښتل د
guest
1 Comment
زړو
نویو ډیرو خوښو شویو
Inline Feedbacks
ټولې تبصرې کتل
غلام ولي

salam

Back to top button
1
0
ستاسو نظر مونږ ته دقدر وړ دی، راسره شریک یې کړئx
()
x