افغانستان

د شپنیو عملیاتو په اړه دفاع وزارت د ارګ فرمان نه مني

نن ټکی اسیا (سه شنبه، لېندۍ۴مه، ۱۳۹۳ل):نیویارک ټایمز ورځپاڼې په خپل وروستي رپوټ کې ویلي چې په افغانستان کې د امریکايي پوځیانو د ماموریت له غزیدوسره سم به په یاد هیواد کې د شپې عملیات هم له سره پیل شي.

دلړم دمیاشتې په ۲۱نیټه د دفاع وزارت ویاند ښاغلي جنرال عظیمي له رسنیوسره په څرګندونوکې ویلي و چې هغوي په پام کې لري د پخواني حکومت لخوا د شپي پرعملیاتو لګیدلي محدودیتونه لیري او د شپې عملیات له سره پیل کړي.

نوموړي د شپینیو عملیاتو د بیا پیلولولامل په هیواد کې د وسله والو طالبانو وروستي بریدونه ښودلي چې د کابل په شمول یې دهیواد ډیرې سیمې نا امنه کړي دي، جنرال ظاهر هغه وخت ویلي و چې یاد عملیات به د افغان او امریکايي ځواکونو لخوا په ګډه ترسره کیږي.

خو د جنرال ظاهر عظیمي د څرګندونو په مقابل کې په هماغه ورځ له ارګ څخه بله خپرپاڼه رسنیوته ولیږل شوه چې په ترڅ کې یې د شپنیوعملیاتو بیاپیلول په ټینګه ردکړل.

اوس چې د ارګ او دفاع وزارت له هماغه ضد او نقیضو څرګندونو څخه یوه نیمه اونۍ تیریږي د افغانستان دفاع وزارت پریکړه کړې چې د ارګ د تردیدې اعلامیې پرخلاف یاد عملیات عملا شروع اونیویارک ټایمیزورځپاڼې د دفاع وزارت د دغه تصمیم په اړه په خپل تفصیلي رپوټ کې ویلي چې همدا اوس ۲۰۰ د ملي اردو ځانګړي پوځیان کندهارولایت ته لیږل شوي چې هلته په شپینیوعملیاتو کې برخه واخلي.

نیویارک ټایمزد جنرال عبدالحمید له قوله وايي چې د شپې عملیات د مخالفینو په له منځه وړلوکې مؤثراو د افغانستان د دفاع وزارت منسوبین په دې اړه د بارک اوباما د صادرکړي فرمان هرکلی کوي.

د نیویارک ټایمز په حواله په افغانستان کې د شپینیو عملیاتو بیا پیلیدل د بارک اوباما د هغه فرمان له مخې ترسره کیږي کوم چې یې د ۲۰۱۵ کال تر اخیره پوري په هیوادکې د امریکايي ځواکونو د پوځي ماموریت د تمدید په اړه تازه صادر کړی.

د پخوانی ولسمشر حامد کرزي په واکمنۍ کې وروسته ترهغه په شپینیو عملیاتو محدودیتونه ولګیدل چې په ترڅ کې په سلګونو ولسي وګړي مړه او ژوبل شول.

ورته لیکنې

ګډون وکړئ
خبرتیا غوښتل د
guest
0 Comments
Inline Feedbacks
ټولې تبصرې کتل
Back to top button
0
ستاسو نظر مونږ ته دقدر وړ دی، راسره شریک یې کړئx
()
x