خبرونهنړۍ

مصر: له اخوانیانو سره د تړاو په تور لسګونه ماشومان په بند محکوم شول

نن ټکی اسیا (چهارشنبه، ۵مه لېندۍ ۱۳۹۳ل): د مصر یوې محکمې په ۷۸ ماشومانو له اخوان المسلمین سره د تړاو په تور د بند پریکړه وکړه.

دغه ماشومان چې عمرونه يې له ۱۵ کلونو کم دي، د چهارشنبې په مازدیګر د اسکندریې ښار محکمې له دوو څخه تر پنځو کلونو پورې په بند محکوم کړل.

راپورونه وايي چې د پریکړې پر مهال د محکمې ودانۍ تر سختو امنیتي تدابیرو لاندې وه او مدافع وکیلانو ته اجازه نه ورکول کیده څو د محاکمې تالار ته ننوځي.

د محاکمې پر مهال د تورنو ماشومانو خپلوان له محکمې بهر منتظر ولاړ وو.

مصري رسنۍ د پوځي واکمنۍ د چارواکو له خولې وايي چې دغه ماشومان د اخوان المسلمین ګوند غړي دي او د مصر امنیتي ځواکونو وروسته تر هغه ونیول چې د واکمن نظام پر خلاف یې په یوې سوله ییزې مظاهره کې ګډون کړی وو.

مصري محکمې ویلي چې د دغو مظاهرو له امله په سیمه کې لارې بندې شوې او د ټرافیک په وړاندې ستونزې ایجادې شوې وې.

باید وویل شي په مصر کې د اخوان المسلمین ګوند وروسته له هغه یوه تروریستي ډله وپیژندل شوه چې د دې هیواد پوځي مشر عبدالفتاح سیسي د یوې کودتا په نتیجه کې له اخوانیانو څخه واک تر لاسه او ځان د مصر ولسمشر اعلان کړ.

ورته لیکنې

ګډون وکړئ
خبرتیا غوښتل د
guest
1 Comment
زړو
نویو ډیرو خوښو شویو
Inline Feedbacks
ټولې تبصرې کتل
Hameed

دیته وایی بربریت او وحشت د چنګیز او فرعون تاریخ را ژوندی کړ او حتی زه خو وایم تر هغو یی لا ورواړوله خو خیر که خدای کول نو ورکه یی را نژدی شوی

Back to top button
1
0
Would love your thoughts, please comment.x
()
x