نړۍ

د تور پوستي امريکايي د وژنې په غبرګون کې مظاهرې د امريکا ۷۳ ښارونو ته وغځېدې

نن ټکی اسیا (يکشنبه، لیندۍ ۹مه ۱۳۹۳ل): د امريکا ميسوري ايالت فرګوسن ښار کې د يو سپين پوستي پوليس پر لاسو د تور پوستي امريکايي ځوان د وژنې په غبرګون کې د لاريونونو او مظاهرو لړۍ د امريکا ۷۳ ښارونو ته وغځيده.

څه موده وړاندې فرګوسن ښار کې يو پوليس يو تور پوستی ځوان مايک براون وژلی و او د فرګوسن ښار محکمې نوموړي پوليس ته براءت ورکړ.
محکمې په خپله پرېکړه کې وويل، چې نوموړي پوليس پر مايک براون د غله ګومان کړی و او وژلی يې و، چې له امله يې نوموړی پوليس مجرم نه بلل کيږي.

د محکمې د پرېکړې په غبرګون کې د مايک براون کورنۍ او د سيمې نورو تور پوستانو لاريونونه او مظاهرې پيل کړې او دغه مظاهرې او لاريونونه په تاوتريخوالي واوښتل او د پوليسو او مظاهره‌چيانو تر منځ د اخ و ډب له امله ګڼو امنيتي کسانو او مظاهره‌چيانو ته مرګ ژوبله اوښتې او د سيمې نژدې مارکيټونه او د خلکو موټر په کې سوځول شوي دي.

وروستي خبرونه وايي، چې د مايک براون په ملاتړ او د محکمې د پرېکړې پر ضد دلاريونونو او مظاهرو لړۍ د امريکا ۷۳ ښارونو ته وغځيده او کېدای شي دغه لړۍ نوره هم خپره شي.

ملګرو ملتونو او نورو بشري ټولنو د امريکا له ولسمشر بارک اوباما غوښتي، چې د تورپوستي مايک براون قضيه دې په خپله وڅېړي او په دې اړه دې بې پرې پلټنې وکړي.

د پېښو څارونکي وايي، چې که د مايک براون کورنۍ ته انصاف ورنکړای شو، نو کېدای شي، د امريکا تور پوستي د مايک براون وژنه له تور پوستو سره امتيازي چلند وبولي او يو ځل بيا امريکا کې د تېر په څېر د تور پوستو او سپين پوستو تر منځ توکميزې جګړې پيل شي.

ورته لیکنې

ګډون وکړئ
خبرتیا غوښتل د
guest
1 Comment
زړو
نویو ډیرو خوښو شویو
Inline Feedbacks
ټولې تبصرې کتل
عبدالواجد

اللهم زدپه زدداده افغانانوسره دهظلم سبب ووچی خداي پردی عذاب راغلي عبرت واخلي بياموخيرنسته ابن عزام رحمه الله

Back to top button
1
0
ستاسو نظر مونږ ته دقدر وړ دی، راسره شریک یې کړئx
()
x