افغانستان

دغزني دولایتي شورای استازي وایی غزني باید لومړي درجي ته لوړشي

Ghazni_city_mapغزني ښار (نن ټکی اسیا می ۲۰۱۱/۰۹): د غزني د ولايتي شورا استازيو له مرکزي ادارې ګيله وکړه چې دې ولايت ته ځانګړې پاملرنه نه کوي او هم يې لومړۍ درجې ته د غزني د لوړېدو غوښتنه وکړه.

دغه څرګندونې په هغې ګډې خبري ناستې کې وشوې، چې د ولايتي شورا استازو په کې  برخه اخيستې وه.

د ولايتي شورا مرستيال امان الله کامراني، په دې خبري ناسته کې غزني د نفوسو او جغرافيوي موقعيت له پلوه د لومړۍ درجې وړ ولايت وباله.

هغه زياته کړه، چې له تېرو اتو کلونو راهيسې غزني ته د مرکزي ادارې پاملرنه کمه ده او که لومړۍ درجې ته لوړ شي، نو امکانات او امتيازات به يې ډېر شي.

د کامراني په وينا، دوه کاله وروسته  غزني د اسلامي هېوادونو د کولتور او تمدن د پلازمېنې په نوم نومول کېږي؛ خو تر دې دمه د دې ښار لپاره په کافي اندازه کار نه دى شوى.

هغه زياتوي، چې له تېرو څلورو کلونو راهيسې د غزني ١٤ ولسوالۍ يواځې د امنيتي پوستو بڼه لري او ټولې ادارې يې بندې دي.

نوموړي وويل، چې د اندړو د ولسوالۍ بازار له تېرې يوې مياشتې راهيسې د وسلوالو طالبانو د ګواښونو له امله تړلى دى؛ خو حکومت يې د پرانېستلو په اړه هېڅ جدي اقدام نه دى کړى.

نوموړى وايي، چې د اندړو بازار نږدې٤٠٠ هټۍ لري، چې د خلکو ميليونونه افغانۍ په کې بندې پاتې دي.

دغه راز د ولايتي شورا يوه بل غړي قاضي صاحب شاه هم، لومړۍ درجې ته د غزني ولايت د لوړېدو غوښتنه وکړه او زياته يې کړه، چې غزني ته د يوه کمزوري ولايت په سترګه کتل کېږي.

نوموړي وويل، چې په ١٤ ناامنو ولسواليو کې له پوليسو پرته ولسوال او د حکومتي ادارو مامورين نشته او خلک اړ شوي، چې خپلې ستونزې د طالبانو په سيمه ييزو محکمو کې فيصله کړي.

د يادونې وړ ده، چې د تېرې پنجشنبې پر ورځ له مشرانو جرګې څخه غزني ته ورغلي پلاوي ته هم، خلکو خپل شکايتونه اورولي وو.

نن ټکی اسیا

ورته لیکنې

ګډون وکړئ
خبرتیا غوښتل د
guest
0 Comments
Inline Feedbacks
ټولې تبصرې کتل
Back to top button
0
Would love your thoughts, please comment.x
()
x