امریکا څلور زره ژباړونکو ته ویزې ورکوي

نن ټکی اسیا(سه شنبه، لیندۍ ۱۸مه، ۱۳۹۳ل): امریکايي سرچیني وايي چې د امریکا کانګرس به ډېر ژر څلور زره ژباړونکو ته د ویزو ورکولو پېشنهادونه امضا کړي.

دغه ژباړونکي چې د امریکايي ځواکونو سره یې کار کړی، په افغانستان کې خپل ژوند په خطر کې احساسوي او وايي چې ددوی ژوند د امریکايي ځواکونو د وتلو سره له لا زیات خطر سره مخ دی، ځکه غواړي چې د امریکايي ځواکونو سره یو ځای امریکا ته انتقال شي او هلته ورته سیاسي پناه ورکړل شي.

د واشنګټن پوسټ ورځپاڼې د خبر له مخي د امریکا د بهرنیو چارو وزارت د کانګرس څخه د ۸۰۰۰ تنه ژباړونکو د ویزې غوښتنه کړې وه، خو وروستي راپورونه وايي چې کانګرس به ډېر ژر یوازې د ۴۰۰۰ تنه ژباړونکو د ویزو غوښتنه امضا کړي او د پاتو کسانو پر غوښتنو به بیا غور کوي.

په خبر کې راغلي چې امریکا د  ۲۰۰۷ کال څخه تر اوسه ۵۰۰۰ زره ژباړونکو ته ویزې ورکړي او هغوی امریکا ته انتقال شوي او اوس هم د دولس زره (۱۲۰۰۰) نورو ژباړونکو غوښتنلیکونه د بهرنیو چارو وزارت سره ثبت شوي، خو د هغوی څخه د اته زرو غوښتني د امریکا کانګرس ته د بهرنیو چارو وزارت له خوا وړاندي شوي، چې دادی د څلور زرو غوښتنه یې منل کیږي،او پاته څلورو زرو ترجمانانو برخلیک لا معلوم نه دی.

افغان ترجمانان چې په کابل کې په دوامداره توګه احتجاجونه کوي، د امریکايي ځواکونو د خدمت وروسته له هغوی څخه سر ټکوي چې دوی د امریکایانو له پاره خپل ژوند په خطر کې واچاوه، خو اوس چې هغوی له دې کار واخیست نو دوی یې په بدې ورځې او په ناڅرګند برخلیک واړول.

avatar
  ګډون وکړئ  
خبرتیا غوښتل د