ورزش

هاکي: پاکستاني لوبډلې هندوستان ته ماتې ورکړه

نن ټکی اسیا (یکشنبه، لیندۍ ۲۳مه ۱۳۹۳ل): په هند کې د هاکي لوبې نړیوال سیالۍ چمپینز ټرافي خپل وروستۍ پړاو ته رسیدلی. دغو لوبو نیمه پایلوبه کې پاکستاني لوبډله خپل پیاوړی سیال هندوستان ته ماتې ورکولو سره د دې سیالیو پایلوبې ته لار ومونده.

دغه لوبه کې پاکستاني لوبډلې د هندوستان کوربه لوبډلې ته ۴-۳ سره ماتې ورکړه.

پاکستاني لوبډلې لپاره ارسلان قادر ښه وځلید او غوره لوبه يي نندارې ته وړاندې کړه. د لوبې په پیل کې ارسلان قادر خپل لوبډلې لپاره په لومړۍ ګول وهلو بریالی شو. د لوبې وروستۍ ګول هم د ارسلان قادر له خوا ووهل شو.

ارسلان قادر په دوهم ګول وهلو د لوبې له پای ته رسیدو یوازې ۹۰ ثانیي مخکې بریالی شو او دغه لوبه يي د پاکستان په ګټه پای ته ورسوله.

د لوبې پیل کې هندوستان لومړۍ ګول وهلو سره له پاکستان څخه مخکې شو خو د هندوستان له ګول وهلو یوازې څلور دقیقې وروسته ارسلان قادر د پاکستان لپاره ګول وهلو سره لوبه برابره کړه.

محمد وقاص د لوبې په ۳۲مه دقیقه ګول وهلو سره پاکستاني لوبډله له هندوستان څخه مخکې کړه چې هندي لوبډلې درم ویر سنګ دغه لوبه بیرته ۲-۲ سره برابره کړه.

د لوبې په څلومه برخه کې دواړه لوبډلې یو یو ګول وهلو سره ۳-۳ سره مساوي شول چې د لوبې وروستیو شیبو کې د قادر ارسلان دوهم ګول پاکستاني لوبډله د دغې سیالیو پایلوبې ته ورسوله.

ورته لیکنې

ګډون وکړئ
خبرتیا غوښتل د
guest
0 Comments
Inline Feedbacks
ټولې تبصرې کتل
Back to top button
0
ستاسو نظر مونږ ته دقدر وړ دی، راسره شریک یې کړئx
()
x