افغانستان

په فراه ولایت کې د امنیتي شرکت زیات شمير ساتونکي وژل شوي دي

secortyنن ټکی آسیا: د فراه ولایت امنیه قوماندانی نن خبر ورکړ چي تیره ورځ د دغه ولایت د بکوا په ولسوالۍ کې د امنیتي شرکت یو کاروان د طالبانو د کمین سره مخ شو، چي د جګړې په ترڅ کې د امنیتي شرکت ۸ تنه ساتونکي ووژل شوه، او دوه نور ټپیان شوه.

امنیه قوماند سید محمد روشندل ویلي چي طالبانو ۲ تنه ساتونکي له ځانه سره هم بیولي.

نومړي زیاته کړه چي د شرکت ساتونکو پرته له دې چي د امنیتي ځواکونو سره په همغږي سفر وکړي، دداسي یو پيښي سره مخ شول.

ددې تر مخه د طالبانو ویاند قاري یوسف احمدي ویلي وه چي دغه برید طالبانو د نومړي ولسوالۍ په سیاو اغا سیمه کې پر یو امنیتي شرکت تر سره کړ، چي د جګړې په ترڅ کې ۱۹ ساتونکي ووژل شوه، او پنځه نور ټپیان شول.

هغه زاته کړه چي طالبانو په دغه برید کې د دوه تنه ساتونکي د یو شمیر وسلو او مهماتو سره نیولي هم دي، او پر دغه سربیره يې د ساتونکو د سپرلۍ پنځه عرادې موټر هم سوځولي دي.

باید وویل شي چي تیره ورځ په دغه ولایت کې د فرنسې یو جیټ جنګي الوتکه هم لویدلې وه، چې په اړه يې د قاري یوسف احمدي وویل چي دا الوتکه ددوي په ډزو را لویدلې.

ورته لیکنې

ګډون وکړئ
خبرتیا غوښتل د
guest
0 Comments
Inline Feedbacks
ټولې تبصرې کتل
Back to top button
0
Would love your thoughts, please comment.x
()
x