افغانستان

ننګرهار او کونړ کې چاودنو درنه مرګ – ژوبله اړولې

نن ټکی اسیا (یکشنبه، لېندۍ ۳۰مه، ۲۳۹۳ل): د ننګرهار سیمه ییز چارواکي وايي چې نن سهار شاخوا لس بجې د دې ولایت په مرکز جلال اباد کې دوه چاودنې وشوې.

د ننګرهار د والي وياند احمد ضیاء عبدالزی وايي چې د برید هدف د ملي اردو عسکر و، چې په خبره يې یو تن پکې وژل شوی.

د نوموړي په خبره په برید کې د ملي اردو یو عسکر وژل شوی او یو بل ټپي دی، خو عیني شاهدان وايي چې دواړو چاودنو درانه تلفات اړولي دي.

د روح الله په نامه یو تن رسنیو ته ویلي، چې په برید کې تر شپږو تنو ډېرو عسکرو ته مرګ ـ ژوبله واوښته.

د دې برید مسوولیت تر اوسه کومې ډلې په غاړه نه دی اخیستی، خو دولتي مسوولین يې د طالبانو کار بولي.

بل اړخ ته تېر ماښام په کونړ کې د ماین د چاودنې له امله لسو تنو ته مرګ ـ ژوبله اوښتې ده.

د کونړ د والي ویاند وايي چې په چاودنه کې اوه تنه وژل شوي او درې نور ټپیان دي، چې په خبره يې ټول ملکي وګړي دي.

عبدالغني مصمم وايي چې چاودنه د ناړۍ ولسوالي په ځنګل بوشه سیمه کې شوې ده.

د کونړ د والي د ویاند دغه چاودنه هم د دولت د وسله والو مخالفینو کار بللی، خو طالبانو تل د دوی له لوري د ملکي وګړو د مرګ ـ ژوبلې راپورونه له واقعیته لري بللي دي.

ورته لیکنې

ګډون وکړئ
خبرتیا غوښتل د
guest
1 Comment
زړو
نویو ډیرو خوښو شویو
Inline Feedbacks
ټولې تبصرې کتل
Abdullah

بس خوشحاله اوسئ، چه درنه مرګ ژوبله یی اړولی. تاسو به نور څه دی ملت په تحفه راوړلی بغیر د وینو او ناورین څخه. مونږ دا خبره تل کړی او بیا یی هم کوو چه : امریکا او دپاکستان ای اس ای تر ټولو لوی زیان اسلام ، مسلمان او شعایرو ته تر هر چا خپله پر دین مینو رسولی او داسی یی معرفی کړ چه دا نوم یوازی جنګ، بدبختی، فقر ، بی وزلی او تل وروسته پاتی والی دی. او آفرین یی پر تاسی رسنیو چه غوره انعکاس بیا هم ورکوئ. یوازی د څو روپیو او مادی ګټو… نور لوستل »

Back to top button
1
0
Would love your thoughts, please comment.x
()
x