ټولنیزه برخه

د ناپیلیون پنځوس مرغلرې

را ټولوونکی : عطا محمد میاخېل

1 ـــ د ژوندانه پر ستونزو بری موندل رښتینې زړورتیا ده .

2 ـــ د ژوند مانا د ستونزو ګالل دي ، ښه سړی له خپل نفس سره جنګېږي چې پرې واکمن شي .

3 ـــ د انسان ژوند هغه هېنداره ده چې ګټورې زده کړې پرې لیدلی شو .

4 ـــ د ماشوم روزنه تر زېږېدو شل کاله مخکې پیل کړئ .

5 ـــ د دوه زړیو بری نه وي .

6 ـــ بری د هغو وي چې تر نورو کلک دریځ لري .

7 ـــ هوډ نیول تر هر څه سخت وي .

8 ـــ لوی سړی چې هر کله وغواړي د خپلو احساساتو او افکارو تر منځ پوله جوړولای شي .

9 ـــ نهیلي د ګور پر لوري لومړنی ګام دی .

10 ـــ هېڅوک دومره ناکاره نه دی ، چې د یوې دندې وړتیا ونه لري .

11 ـــ غچ اخیستل ښکلا نه لري .

12 ـــ فرانسویان اخلاق نه پېژني ، موډ پېژني .

13 ـــ تر ټولو ستره بد اخلاقي داده چې دنده تر سره کولی نه شو ، خو ځای مو نیولی وي .

14 ـــ عمر ، عادت ، دندې او پوهې د ډېرو خلکو اخلاق سم کړي دي .

15 ـــ ستر مېړونه د ستورو غوندې سېزي او نړۍ ته رڼا وربښي .

16 ـــ که په چا ډاډ نه لرې ، ډډه ترې کوه .

17 ـــ پوهان د غوړه مالانو ملګرتیا نه کوي .

18 ـــ ګېډور سړی د اتل غوندې خپل خواړه ساتي .

19 ـــ لوږه نه ډار پېژني ، نه قانون .

20 ـــ یو ستر ملت یو پاینده دولت ته اړتیا لري ، چې د یوه سړي په مړینه ونه نړېږي .

21 ـــ زما په اند حق نه پېژندل ستره نیمګړتیا ده ، چې کېدای شي څوک یې ولري .

22 ـــ پر زړونو پاچاهي تر ټولو ښه واکمني ده .

23 ـــ سیاست نوې بد مرغي ده .

24 ـــ د سیاستوال زړه په سر کې وي .

25 ـــ د هرې خپلسرۍ په پای کې دیکتاتور حکومت راځي .

26 ـــ سیاست زړه نه لري ، یوازې ماغزه لري .

27 ـــ ډېر کسان چې له ما سره وزیران دي د حق له مخې باید ساده ګاډیوانان وای او ډېر ګاډیوانان شته چې په بشپړ ډول په فرانسه کې د وزارت لیاقت او وړتیا لري .

28 ـــ د واکمنۍ تر ټولو ستر هنر دادی ، چې کارکوونکي د خپل کار له لاسه زاړه نه شي .

29 ـــ مور په یوه لاس زانګو ، زنګوي او په بل لاس جهان ښوروي .

30 ـــ د ټولنیز پرمختګ او سوکالۍ په لار کې د ناپوهانو او کمزورو خلکو خبرو ته غوږ مه نیسئ .

31 ـــ پاچاهان او پرګنې نه پخلا کېدونکي دښمنان دي .

32 ـــ زړورتیا او مېړانه په درواغو په چا پورې نه نښلي ، دا هغه لوښي دي چې ټګي او درواغ نه مني .

33 ـــ په نړۍ کې دوه ځواکونه دي : توره او تدبیر ، خو تدبیر تل توره ماتوي .

34 ـــ له ماتې نه ډار ، ماتې راولي .

35 ـــ کم عقل تل د تېر وخت نه خبرې کوي ، هوښیاران د اوسني وخت په هکله فکر کوي او لېونیان د راتلونکي وخت په هکله خبرې کوي .

36 ـــ هر چېرې چې سر تېری د خپل بیرغ لاندې وي هغه ځای یې خپل دی ، ځکه چېرته چې بیرغ دی هلته هېواد هم دی .

37 ـــ په جګړه کې داسې شېبې راځي ، چې تر ټولو زړور سر تېری هم تېښتې ته پکې چمتو کېږي .

38 ـــ سړی په جګړه کې ژر زړېږي .

39 ـــ له دښمن سره پرله پسې جګړه مه کوئ ، ځکه چې بیا به ستاسو په ټولو جنګي رازونو پوه شي .

40 ـــ انسان کولای شي چې د عقل ، منطق او پایښت په مرسته آن په ګیدړه او طاعون هم بریالی شي .

41 ـــ چې یوه انسان ته وار ورنه کړل شي ، یوازې وړتیا به د هغه په پرمختګ کې اغېز ونه لري .

42 ـــ په تاریخ کې داسې پاچاهان لږ تېر شوي ، چې د پرځولو وړ نه وو .

43 ـــ تاریخ رښتینې فلسفه ده .

44 ـــ سختي او غمونه د انسان عقل او پوهه بډایوي .

45 ـــ هره ښځه چې زما خوښېده هغې زه نه خوښولم اودهرې ښځې چې زه خوښېدم هغه مانه خوښوله ، په رښتیا چې زما زړه د نورو له زړونو سره توپیر لري .

46 ـــ د هېواد د ودانۍ او پرمختګ له پاره د نورو پریمانه شیانو تر څنګ تر ټولو زیات د سپېڅلو میندو پالنې او روزنې ته اړ یو .

47 ـــ هغه په خپله ښځه ډېر بې باوره وي چې په خپل ځان باور نه لري .

48 ـــ که ښځه نه وی ، نو اتلان به چا روزلي وو ؟

49 ـــ که غواړئ د یوه ملت د تمدن او پرمختګ جاج واخلئ ، نو ښځو ته یې وګورئ .

50 ـــ په ټولو هنرونو کې موسکا د انسان مینه ډېره را پاروي ، د یوه استاد له لاسه یوه ښکلې پارچه پر زړه باندې د اخلاقو تر یوه کتابه ډېر اغېز لرلای شي .

ورته لیکنې

ګډون وکړئ
خبرتیا غوښتل د
guest
0 Comments
Inline Feedbacks
ټولې تبصرې کتل
Back to top button
0
ستاسو نظر مونږ ته دقدر وړ دی، راسره شریک یې کړئx
()
x