د رسنیو لارې ته راوستل ولې ضروري دي؟

لیکوال: قاري سعید

پوځي جګړه همیشه وسیله وي او تر شا یي اهداف نور وي جګړه هیڅوک دجګړې لپاره نه کوي، بلکې جګړه د نورو اهدافو لپاره وي.

د غربیانو د اوسنیو جګړو اساسي او تلپاتې هدف کلتوري او فکري دی، دوی چې هرځای کله کلتوري اهداف ترلاسه کړي، بیا نو خپل پوځي اشغال ته هم دپای ټکی ږدي، په شلمه پیړۍ کې، په اسیا، افریقا او د نړۍ په نورو سیمو کې چې اروپایانو کومې ځمکې اشغال کړې وي، تر هغو یي په کې مقاومت وکړ او له هرڅومره سختیو سره سره یي وساتلې، ترڅو یې د ځایي پرګنو په فکر او کلتور کې نفوذ وکړ او خپل کلتور یي پرې ومانه، غربیانو چې کله دا هدف ترلاسه کړل، نو د پوځي اشغال او جګړې اړتیا یي نور نه احساسوله ځکه هدف ترلاسه شوی و، نوځکه په خپله خوښه ترې ووتل.

په هند، بنګال، مصر، جنوبي افریقا او د نړۍ په ګڼو نورو هیوادونو کې د انګلیسي ژبې او کلتور د خپریدلو او په ګڼو افریقايي هیوادونو کې د فرانسوي کلتور تشییع ددې خبرې نغد ثبوت دی.

له افغانستانه به هم غربیان تر هغو لاس وانخلي، چې خپل کلتور، فکر، تعلیمي طرز او نور فرهنګي ارزښتونه یي ددې هیواد په خلکو نه وي منلي.

د فکري یرغل د بریا لپاره وسائل، رسنۍ، تبلیغاتي ډلې، د مدني ټولنو په نوم ټولنې او ځانګړي تعلیمي مراکز دي، په افغانستان کې د کلتوري یرغل تر ټولو اساسې مهرې رسنۍ دي، که دغه غربي رسنۍ چې ټولې له غربي سفارتونو څخه خړوبیږي همداسې خپلسرې پریښودل شي نو سر له اوسه ویلی شو چې ګټلی جنګ مو بایللی دی.

رسنۍ باید کنترول شي او دغرب د کلتوري اشغال مخه باید داسې ډب کړو لکه د پوځی اشغال ارمان مو چې ورنیمګړی کړ.