افغانستان

د غور ولایت د ترافیکو مدیر د دوو تنو پولیسو په ګډون وژل شوی، ۳ نور ټپیان دي

afghan_army_rangerنن ټکی آسیا: نن د شنبې په ورځ ناوخته د غور ولایت د ترافیکو د مدیر په ګډون ۳ تنه پولیس مړه او ۳ نور ټپيان شوه.

د غوار ولایت څخه چارواکي خبر ورکوی، چي نن د غور ولایت په مرکز چغچران کې د ددغه ولایت  د ترافیکو د مدیر موټر تر وسله وال برید لاندی راغلی، چي په ترڅ کې د ترافیکو مدیر عبد الواحد او دهغه دوه تنه ساتونکي پولیس مړه او درې تنه نور ټپيان شوه، چي د ټپيانو د جملې څخه دوه تنه پولیس او یو ملکي وګړی دی.

امنیتي چارواکو زیاته کړې چي برید ګر په تیښته بریالي شوی دي، خو د نیولو هڅي يې رواني دي.

ددې برید په اړه تر اوسه طالبانو څه نه دي ویلي، خو په یوه بل خبر کې طالب ویاند قاري یوسف احمدي نن ټکي اسیا ته وویل چي د غور ولایت د شینکوټ دولسوالۍ د کاکري په سیمه کې نن طالبانو د یو وسله وال برید په ترڅ کې د ددغه ولایت د جاسوسي ادارې یو تن فعال غړی ډګروال عطاګل ووژلو.

د یادوني وړ ده چي د غور ولایت قوماندان امنیه ددې تر مخه ویلي وو چي عطاء محمد د یو مؤسسې کار کوونکی وو، او د طالبانو له خوا نیول شوی وو، چي نن اعدام کړه شو، خو قاري یوسف احمدي د امنیه قوماندان دغه خبره بی بنیاده وبلله، او زیاته يې کړه چي عطاء محمد د جاسوسي اداري فعاله غړی، او په دفاع وزارت کې رسمي دنده درلودله، او ددې تر مخه نیول شوی نه وو، بلکي په مخامخ برید کي ووژل شو.

ورته لیکنې

ګډون وکړئ
خبرتیا غوښتل د
guest
0 Comments
Inline Feedbacks
ټولې تبصرې کتل
Back to top button
0
Would love your thoughts, please comment.x
()
x