ورزش

مهیندرا سینګ دوني له ټیسټ لوبو استعفا ورکړه

نن ټکی اسیا (سه شنبه، مرغومي ۹مه ۱۳۹۳ل): د هندوستان پیاوړی لوبغاړی او د نړۍ په کچه پیژندل شوی لوبډل مشر له ټیسټ لوبو استعفا ورکړه.

اوسمهال د هندوستان او استرالیا لوبډلو تر منځ د ټیسټ لوبو لړۍ روانه ده خو دوني د سیالیو دغه لړۍ ته ادامه نه ورکوي او نن ورځې لوبې له پای ته رسیدو وروسته نور ټیسټ لوبه نه کوي.

د استرالیا او هندوستان تر منځ ټیسټ سیالیو لړۍ کې د هندوستان له سختو ماتو وروسته دوني دغه پریکړه وکړه او د سیالیو دغه لړۍ يي نیمګړی پریښود.

د مهیندرا سینګ دوني له استعفا وروسته د څلورم ټیسټ لوبې لپاره ویراټ کولي د هندي لوبډلې لوبډل مشر ټاکل شوي. ویراټ کولي د دغې لړۍ لومړۍ لوبه کې هم د هندي لوبډلې لوبډل مشر و.

دوني به له دې وروسته هم په یو ورځنیو او شل اوریزو سیالیو کې به د هندي لوبډلې لوبډل مشر وي.

مهیندرا سینګ دوني د هندوستان لپاره ۹۰ ټیسټ لوبې کړې چې دغو لوبو کې يي د هندوستان لپاره ۴۸۷۶ منډې جوړې کړي.

ورته لیکنې

ګډون وکړئ
خبرتیا غوښتل د
guest
0 Comments
Inline Feedbacks
ټولې تبصرې کتل
Back to top button
0
ستاسو نظر مونږ ته دقدر وړ دی، راسره شریک یې کړئx
()
x