افغانستان

فاریاب: د جمعیت او جنبش د جګړه مارو خپلمنځي نښته کې ۷ کسان وژل شوي

نن ټکی اسیا (پنجشنبه، مرغومي۱۱مه ۱۳۹۳ل): فاریاب کې د اسلامي جمعیت او ملي اسلامي جنبش د ډلو پخوانیو قومندانانو تر منځ سخته جګړه شوې.

سیمه‌ ییز چارواکي وايي چې په دغه جګړه کې چې بېګا شپه د قومندان غفور او قومندان دادي د پلویانو تر منځ شوې، لږ تر لږه ۴ وسله‌وال او ۳ ملکي وګړي وژل شوي دي.

د بلچراغ ولسوال میرویس سیدزوی ویلي چې په وژل شوو کې ۳ تنه د قومندان غفور ملګري او یو هم د قومندان دادي ملګری دی.

سیدزوی له قوله چې د دواړو لورو تر منځ جګړه کې پر یوه کور د راکټ لګېدو له امله ۳ ملکي وګړي چې د قومندان غفور قومیان وو، وژل شوي دي.

د بلچراغ ولسوال زیاته کړې چې غفور د جنبش (دوستم ګوند) او دادي د جمعیت (رباني ګوند) اړوند قومندانان دي.

بل پلو په فاریاب کې د دوستم د ګوند یو تن مسوول رحمت الله ترکستانی ادعا کوي چې دغه نښته د جنبش د ملاتړو او طالبانو تر منځ شوې.

نوموړی چې د فاریاب ولایتي شورا غړی هم دی، زیاته کړې چې دوې ورځې وړاندې ۲۰۰ طالبان د جوزجان ولایت په درزآب ولسوالۍ کې د ولسمشر لومړي مرستیال جنرال دوستم پر وړاندې د سولې د بهیر سره یوځای شول. نوموړی وايي چې قومندان غفور له دغو کسانو سره یو ځای بلچراغ ته تللی و چې د طالبانو په کمین کې پریوت.

په جوزجان کې د سولې له بهیر سره د ۲۰۰ کسانو یو ځای کيدلو په اړه یو شمېر کارپوهانو او عیني شاهدانو ویل چې تسلیم شوي کسان د دوستم ساتونکي دي او طالبان نه دي.

ترکستاني ادعا کړې چې د سولې له بهیر سره د دغو ۲۰۰ کسانو تسلیمیدل طالبان «عقدمن کړي او دغه برید یې کړی دی».
په عین حال کې قاري یوسف احمدي د رحمت الله ترکستاني څرګندونې رد کړي او ویلي یې دي چې د جمعیت او جنبش دغه خپلمنځي جګړه کې ۷ تنه د جنبش د ډلې او ۱ یو تن د جمعیت له ډلې څخه وژل شوي دي.

gen dostam jamiyat
غفور د جنبش (دوستم ګوند) او دادي د جمعیت (رباني ګوند) اړوند قومندانان دي.

احمدي زیاته کړې چې د جګړې له امله ۲ تنه ماشومان او یوه ښځه ټپيان شوي او د جنبش ګوند ۶ تنه د جمعیت ډلې ژوندي نیولي دي.

د یادونې وړ ده چې بېګا شپه /مرغومي ۱۰مه/ کابل ښار په ۱۵مه حوزه کې د جمعیت د پخوانیو قومندانانو جنرال دین محمد جرئت زامنو او حاجي رحیم د کسانو تر منځ نښته شوې چې له امله یې ۱ کس وژل شوی او ۲ نور ټپیان شوي دي.

وژل شوی کس د پنجشیریانو د سرتاسري شورا رییس او د جمعیت پخواني قومندان جنرال دین محمد جرئت زوی دی. همدا راز په نښته کې د جرئت یو زوی او حاجي رحیم [د پخواني قومندان احمدشاه مسعود سکرتر]، یو وسله‌وال ټپي شوی دی.

ورته لیکنې

ګډون وکړئ
خبرتیا غوښتل د
guest
1 Comment
زړو
نویو ډیرو خوښو شویو
Inline Feedbacks
ټولې تبصرې کتل
عمر

اي لويه ربه! ته خو يې په خپل منځي جګړو مشغول کړې. یا ربه! ته ظالمان په ظالمانو ووهې. او مسلمانان ترې وساتې.

Back to top button
1
0
Would love your thoughts, please comment.x
()
x