کندهار: د حج او اوقاف رئیس عبد الله رحیم ووژل شو

نن ټکی آسیا: کندهار ښار کي نامعلومو وسلوالو ددې ولایت د حج او اوقافو رئیس حاجي عبد الله رحیم په ډزو سره ووژلو.

د کندهار امنیه قوماندان عبد الرازق ویلي چي نن ماسپښین په دوه بجو او پنځلسو دقیقو نومړي د نامعلومو وسلوالو کسانو له خوا د ښار د چوڼۍ په سیمه کې د حج او اوقافو د ریاست مخي ته په ډزو سره ووژل شو.

د امنیه قوماندان په وینا برید کوونکي په تیښته بریالي شوي دي.

باید وویل شي چي تیر کال هم د حج او اوقافو رئیس محمد حسن تیموري پر همدې ځای يه یوه چاودنه کي وژل شوی وو.