نن ورځ د بهرنیو ځواکونو پنځم عسکر هم ووژل شو

نن ټکی آسیا: نن د افغانستان په جنوب کي د بهرنیو ځواکونو پنځم عسکر هم ووژل شو.

په دغه اړه د ایساف د رسنیز مرکز څخه په خپره شوې خبرپاڼه کي وویل شوه، چی نن د افغانستان په جنوب کي یو تن بهرنی عسکر چي په غیر جنګي پيښه کي ټپي شو، خپل ژوند له لاسه ورکړ.

په خبرپاڼه کي د وژل شوي عسکر هویت او د پيښي دقیق ځای د ایساف د پالیسي له مخي نه دی څرګند شوی.

ددغه عسکر د وژني په اعلان سره نن ایساف ومنله چي ددوی پنځه عسکر وژل شوي دي.

ددغه عسکر په وژل کېدو سره د ځینو رسینو د شمېر پر اساس د بهرنیو ځواکونو د مرګونو شمېر په روانه میلادي میاشت کې ۳۹ تنو ته پورته سو.