په پکتيکا کې دشاتو دمچيو دروزنې پروګرام پيل شو

نن ټکی اسيا: دپکتيکا د کرنې اومالدارۍ رياست په دې ولايت كې د ولايتي بيارغونې ډلې پهيوسل اودېرش زره ډالرو مالي مرستې د شاتو د مچيو د روزنې پروګرام پيل کړى دى.

د پکتيکادکرنې اومالدارۍ رييس حميدالله توخي وويل، چې د ښې پايلې د ورکولو په صورت كې به دا پروګرام نور هم پراخ كړي .

د هغه په وينا، دا يوه نمونه يي پروژه ده اوپه دې برخه کېيې د ماهرينو له لوري د پکتيکاوالو د روزنې لړۍ پيل كړې ده .

دکرنې رييس داهم وويل،چې اوس يې له مرکز او ولسواليو څخه دشاوخوا سلوتنو روزنه پيل کړې ده.

نوموړي زياته کړه : (( په پكتيكا كې دشاتودمچيو د رواجولو لپاره روزل شويوکسانوته دمچيو څلور،څلور صندوقونه هم وركوو. ))

توخي زياتوي، چې که دې پروژې ښه پايله ورکړه ، نو له يوې خوابه د پکتيکا خلکو ته دکار اوښه اقتصاد زمينه برابره کړي اوله بل پلوه به خلکو ته ښه اصل شات وړاندې شي.

د انځرګل په نامه ددې پروګرام يوتن روزونکي وويل ، چې په دې برخه کې ښه تجربه لري ،هغه وايي چې د شاتو د مچيو ګټې ډېرې او زحمت يې لږ دى .

نوموړي وايي ، چې دا سوچه، پاک اوحلال کسب دى او په ترسره کولوسره يې هم ثواب او هم خرما ترلاسه كېږي..

انځرګل زياتوي ، چې د پکتيکاچاپيريال دشاتو د مچيو د ودې او روزنې لپاره ډېر مناسب دى.

د يادونې ده، چې د پکتيکا په ګاونډيو ولايتونو خوست، پکتيا، لوګراوغزني کې هم د شاتو مچيو روزنې ډيره ښه پايله ورکړې ده .

ابدالي محزون

پکتيکا چنګاښ شپاړسمه ٩٠