کندهار: د ولايتي شورا پر رییس موټر بم برید شوی

نن ټکی اسیا (یکشنبه، مرغومي ۲۸، ۱۳۹۳ل): نن سهار شاوخوا لس بجې د کندهار ولایت د مرکز خورا خوندي سیمه کې د کندهار د ولایتي شورا په رییس موټر بم برید شوی دی.

د کندهار د والي ویاند صمیم خپلواک وايي چې د کندهار ولایتي شورا رییس سید جان خاکریزوال له عینو مینې د وتلو په حال کې چې په خبره يې موټر بم برید پرې وشو.

خپلواک رسنیو ته وویل چې د ولایتي شورا رییس له پېښې روغ وتلی دی، خو له ډېرو جزییاتو ورکولو يې ډډه وکړه.

ویل کېږي له چاودنې وروسته ډزې هم اورېدل شوې دي، خو د کندهار سیمه ییزو چارواکو يې په اړه رسنیو ته څه نه دي ویلي.

تر اوسه د پېښې د څرنګوالي، تلفاتو او مسوولیت اخیستلو اړوند کره جزییات نه دي تر لاسه شوي.