افغانستان

ننګرهار: طالبانو څلور غله له غلا شویو مالونو سره یو ځای نیولي

نن ټکی اسیا (پنجشنبه، سلواغې ۲مه، ۱۳۹۳ل): د ننګرهار ولایت په پچیرا ګام ولسوالي کې د سیمې اوسېدونکي وايي، چې د دې سیمې طالبانو څلور هغه غله د خلکو له غلا شویو مالونو سره یو ځای ونیول، چې په وروستیو کې يې خلک سخت اندېښمن کړي و.

په سیمه کې واکدارو طالبانو دغه څلور تنه غله د پاس صبر او لاندې صبر په سیمو کې له هغو مالونو سره یوځای نیولي چې څو ورځې وړاندې يې په سیمه کې له خلکو نه د لویو لارو په سر او د هغوی له کورونو وړي وو.

د سیمې خلک د طالبانو له دې اقدام خوښ دي او وايي چې په ټوله سیمه کې دې څلورو تنو وېره خپره کړې وه، چې له خلکو سره د مال او سر ويره وه.

طالب وياند ذبیح الله مجاهد هم وايي چې د دوی ملګرو د ننګرهار د ولایت مقام په امر په پیچراګام کې څلور تنه غله نيولي دي.

د مجاهد په قول په سیمه کې مېشتو طالبانو د خپل ولایت امر تطبیق کړی او غله يې د اسلامي امارت محکمې ته سپارلي دي.

تر دې وړاندې هم طالبانو د هېواد په ګوټ ـ ګوټ کې غله او قاتلین نیولي دي او په عام محضر کې يې پرې شرعي حد تطبیق کړی دی.

خلک د طالبانو له دې اقدامه خوښ دي او وايي چې پر دې يې زړونه ډاډه دي چې د طالبانو تر واک لاندې سیمو کې څوک د جرم اقدام نه شي کولای.

ورته لیکنې

ګډون وکړئ
خبرتیا غوښتل د
guest
0 Comments
Inline Feedbacks
ټولې تبصرې کتل
Back to top button
0
Would love your thoughts, please comment.x
()
x