دفاع وزارت: د ملي اردو اوه عسکر وژل شوي

نن ټکی اسیا (سه شنبه، سلواغې ۷مه، ۱۳۹۳ل): د دفاع وزارت د خپرې کړې خبرپاڼې له مخې ویلي چې په تېرو څلورویشتو ساعتونو کې د ملي اردو اوه عسکر وژل شوي دي.

د دفاع وزارت ویاند ظاهر عظیمي پخپله ټویټر پاڼه ليکلي، چې دغه عسکر د هېواد په ګوټ – ګوټ کې د چاودنو، نښتو او نورو امنیتي پېښو له امله وژل شوي دي.

د عظیمي په وینا دوی د هېواد په پنځو ولایتونو کې چاڼيز عملیات پیل کړي چې تر اوسه يې پکې پنځلس طالبان وژلي او شپږ نور ټپیان کړي دي.

د دوی په خبره په دې عملیاتو کې يې یو پنځوس کړۍ ماینونه خنثی کړي او یو سل درې اویا کیلګو ګرامه مخدره توکي یې هم تر لاسه کړي دي.

د نن ټکی اسیا یوټیوب چېنل
avatar
  ګډون وکړئ  
خبرتیا غوښتل د