افغانستان

ولسي جرګې نن ژمنۍ رخصتي پیل کړه

نن ټکی اسیا (پنجشنبه، سلواغې ۹مه، ۱۳۹۳ل): ولسي جرګې له نږدې لس میاشتې کار وروسته نن خپله ژمنۍ رخصتي پیل کړه.

د ولسي جرګې مشر عبدالروف ابراهيمي پرون د ولسي جرګې په عمومي غونډه کې وویل چې له سبا – نن پنجشنبې – سره جوخت ژمنۍ رخصتي پیل شوه.

له قانوني اړخه د روانې لمریزې میاشتې په پیل کې ولسي جرګې قانوني رخصتي بايد پیل کړې وای، خو د ګډ حکومت د ناندریزې کابینې د معرفي او هغوی ته د باور رايې په خاطر يې خپله رخصتي وځنډوله.

ولسي جرګې پرون اتلسو نوماند وزیرانو ته د باور رايې ورکړې، چې د ملي امنیت د رییس په ګډون يې اته نفره تاييد او لس نور رد کړل.

پر دې سربېره ولسي جرګې پرون د را روان لمریز کال لپاره مالي بودجه هم تصویب کړه.

د را روان لمریز کال لپاره ۴۳۶میلیارده  او ۱۷۲میلیونه افغانۍ په نظر کې نیول شوې دي.

د ټولې بودیجې له منځه ۲۸۳ میلیادره افغانۍ د عادي بودیجې په برخه کې او ۱۵۲ میلیارده افغانۍ د انکشافي بودیجې په برخه کې دي.

دغه راز ولسي جرګې تر دندې وروسته د ځينو لوړپوړو چارواکو لپاره د ځانګړو امتيازونو په اړه د پخواني ولسمشر فرمان هم رد کړ او ويې ويل چې دې برخې ته هم پيسې په بوديجه کې نه شاملېږي.

ورته لیکنې

ګډون وکړئ
خبرتیا غوښتل د
guest
0 Comments
Inline Feedbacks
ټولې تبصرې کتل
Back to top button
0
Would love your thoughts, please comment.x
()
x