افغانستان

اشرف غني جرمني ته ولاړ

نن ټکی اسیا (جمعه، سلواغې ۱۷مه ۱۳۹۳ل): د ګډ حکومت ولسمشر نن سهار د یو لوړ رتبه هیئت په مشرۍ د مونیخ په یوپنځوسم امنیتي کنفرانس کې د ګډون لپاره د جرمني مونیخ ښار ته روان شو.

د ارګ د مطبوعاتي ریاست څخه په خپره شوې خبرپاڼه کې راغلي چې د ګډحکومت ولسمشر به په دغه درې ورځني سفر پر مهال د مونيخ په نړيوال امنيتي کنفرانس کې ګډون او وينا ورته وکړي.

د خبرپاڼې له مخې اشرف غني به د افغانستان په اړه په امنیتي مسایلو کې خپل نظر څرګند کړي.

ارګ زیاتوي چې په دغه سفر کې د ولسمشر سره د ملي امنیت سلاکار محمد حنیف اتمر، بهرنیو چارو وزیر صلاح الدین رباني هم دي.

ټاکل شوې چې د مونیخ نړیوال امنیتي کنفرانس نن د جرمني په مونیخ ښار کې پیلیږي او درې ورځې به ادامه وکړي.

په کنفرانس کې د امریکا جمهور رییس مرستیال جوبایډن، د ناټو عام منشي جینز سټولتنبرګ او د نړۍ نور لوړ پوړي چارواکي شرکت وکړي.

د یادونې وړ ده چې په دغه درې ورځينې سفر کې د ګډحکومت دوهم مشر ډاکتر عبدالله عبدالله له اشرف غني سره نه دی تللی.

ویل کیږي چې ډاکتر عبدالله عبدالله د ځان په استازیتوب صلاح الدین رباني او ځېنې نور چارواکي لېږلي دي.

ورته لیکنې

ګډون وکړئ
خبرتیا غوښتل د
guest
0 Comments
Inline Feedbacks
ټولې تبصرې کتل
Back to top button
0
Would love your thoughts, please comment.x
()
x