افغانستان

هرات: ترافیکي پېښې ۱۹ کسانو ته مرګ ژوبله اړولې

نن ټکی اسیا (جمعه، سلواغې ۱۷مه ۱۳۹۳ل): د هرات – کندهار پر لویه لاره د مساپرو یو بس د چپه کیدو له کبله ۱۹ کسانو ته مرګ ژوبله اوښتې ده.

د هرات د شینډنډ ولسوال انجنیر فرامرز ویلي چې دغه پېښه نن سهار شپږ بجې د شینډنډ ولسوالۍ د عزیز اباد په سیمه کې د هرات – کندهار پر لویه لاره رامنځته شوې.

د سمندر له قوله مسافر وړونکی موټر د میوند شرکت اړوند و چې نن سهار د هرات څخه د کندهار پر لوري روان و چې په لاره کې چپه شو.

نوموړي زیاته کړې چې په پېښه کې د یوې ښځې په شمول ۷ تنه مسافر وژل شوي او ۱۲ نور ټپیان شوي دي.

د شینډنډ ولسوال زیاته کړه چې مړي او ټپیان یې د هرات حوزوي روغتون ته انتقال کړي.

هغه د موټر چپه کيدو لامل د موټر چلوونکو بې احتیاطي او تېز چلول ښودلي دي.

په هرات کې د موټر چپه کېدلو خبر په داسې حال کې ورکول کیږي چې نېږدې دوه اونۍ وړاندې ۳۰۳ بس د زابل ولایت په قلات کې د یو ټيلر موټر سره ټکر وکړ چې په ترڅ کې تر ۳۰ زیات کسان ووژل شول او لسګونه نور ټپیان شول.

ورته لیکنې

ګډون وکړئ
خبرتیا غوښتل د
guest
0 Comments
Inline Feedbacks
ټولې تبصرې کتل
Back to top button
0
Would love your thoughts, please comment.x
()
x