شعـــــرونه

کسات

شاعر: حمدالله حلمیار

نن مې تر سترګو اوښکې اوښکې کاینات ښکاري

آینه روغه ده تصویر مې پکښې مات ښکاري

موږ خوشباوره یو اوس زهر راته شات ښکاري

له ژونده تښتو او مرګی راته نجات ښکاري

نن بیا پر ځمکه لکه غر یو سړی کم ښکاري

نن پر اسمان یو ځلیدونکی ستوری زیات ښکاري

تا له خپل زړه د پاچایانو خزانه جوړه کړه

خو زما زړه درته د ټول کلي خیرات ښکاري

نړۍ! زما په بده ورځ پسې دي ولې خندل؟

ازار مې وینې چي بې سوره دي حالات ښکاري؟

د حلمیار رقیب به اور واخلي ایرې به شي

په اسویلو کي یې بڅرکي د کسات ښکاري

ګډون وکړئ
خبرتیا غوښتل د
guest
0 Comments
Inline Feedbacks
ټولې تبصرې کتل
Back to top button
0
Would love your thoughts, please comment.x
()
x