افغانستانروغتیا

په افغانستان کې له دندې وروسته، امریکايي عسکرو خپل جنسي ځواک له لاسه ورکړی

نن ټکی اسیا (سې شنبه، سلواغې ۲۸مه ۱۳۹۳ل): پر امریکايي عسکرو وروستۍ تر سره شوي څیړني ښيي چې هغه عسکر چې په افغانستان او عراق کې پوځي دنده تر سره کړې، د هغوی څخه د ۳۳ سلني څخه زیاتو جنسي ځواک کمزوری شوی، چې له کبله یې د دفاع وزارت په روغتیايي مصارفو کې زیاتوالی راغلی.

په دغه سروې کې راغلې چې د دغو پوځیانو نیمايي یې عصبي ناروغي لري او لږ تر لږه ۳۳ سلنه یې له ګڼو جنسي ناروغیو څخه کړېږي.

د یو ایس ای ټوډې ورځپاڼي په وینا امریکا یوازي په تیر کال کې د جنسي کمزورۍ په دارو باندي ۸۴.۲۴ ملیونه ډالر مصرف کړي، چې د هغو څخه د فیاګرا ګولیو لګښت ۴۱.۶ ملیونه ډالر وو.

فیاګرا ګولۍ هغه ګران بیه ګولۍ دي چې د جنسي ځواک لپاره کارول او ویل کیږي چې په جسم کې د ویني د تیز جریان لپاره په درد خوري.

د دغې ورځپاڼي په قول امریکا له ۲۰۱۱ څخه بیا تر ۲۰۱۴ پوري ۲۹۴ ملیونه ډالر لګښت د جنسي ځواک په دارو باندي کړی، چې دغه اندازه ډالر د څلورو جیټ الوتکو له قیمت سره برابر دي.

د جنوبي کالیفورنیا د پوهنتون له څیړني سره سم د عامو امریکایانو په برابر په پوځیانو کې ۳۳ سلنه زیاته کمزوري سته، چې له کبله یې په نارینه پوځیانو کې او په عامه توګه په ټولنه کې د دغو کسانو په ځان اعتماد کمیږي او د همیشه خفګان او نورو عصبي ناروغیو ښکار کیږي.

د یاد پوهنتون څخه یوه څیړونکي رسنیو ته ویلي چې د پوځ ځوانو عسکرو په منځ کې داسي کمزوري کیدای شي له ډیرو وجوهاتو وي، کیدای سي د سختو تمریناتو له کبله دا کمزوري ورته پيښه سوی و، او یا هم کیدای سی د جګړو میدان ته د لیږلو له کبله او په مختلفو سیمو کې له دندو کولو له وجي په جنسي کمزوري اخته شوي وي.

په راپور کې راغلي چې دغسي کمزوري د ژوند په چارو او خوشحاله ژوند باندي ډیر بد اغیز لري.

بل اړخ ته د پنټاګون ویاند میجر جنرال جیمز برنډل ان بي سي تلویزون ته ویلي چې د دوی اداره د خپلو عسکرو د ټولو روغتیايي چارو ځان مسؤول بولي او د هغوی د علاج لپاره خپل ټول امکانات په کار اچوي.

نوموړي ویلي چې دوی ته دغه څیړنه رسیدلې، خو تر اوسه دوی ته داسی شواهد په لاس نه دي ورغلي چې د جنسي کمزوري سبب به د جګړې میدان ته د عسکرو لیږل وي.

د جنسي ځواک د کمزوري د علاج په خاطر یوازي تیر کال ۱.۱۸ ملیونه نسخې د فیاګرا ګولیو لپاره، ۱۸۵۸۴۱ نسخې د سیالیس (Cialis) په نامه ګولیو لپاره او قریب اولس سوه نسخې د رواشیو (Revatio) ګولیو لپاره لیکل شوي.

us_army_weapon

د امریکا د پوځ د عامي روغتیا ادارې ویلي چې له ۲۰۰۴ څخه د جنسي ځواک د کمزوریو شکایتونه دوه چنده زیات شوي، چې کیدای شي په راتلونکې تر دې هم زیات شي.

پنټاګون له کال۱۹۹۸ څخه خپل پوځ ته د علاج په خاطر د فیاګرا ورکولو اجازه ورکړې او امریکايي ورځپاڼي په وینا هغه وخت د یوې ګولۍ قیمت لس ډالره وو، خو له دې وروسته د دغه ګولیو قیمت ۲۵ ډالره ته پورته شوی.

باید وویل شي چې ددې تر مخه داسي راپورنه هم ورکړل شوي، چې له دندي وروسته امریکا ته د ورګرځېدلو عسکرو څخه د هغوی ښځي د پخوا په څېر خوشحاله نه دي، هغوی شکایت لري چې دغه عسکر تر پخوا زیات توند مزاجه را ستانه شوي، او همداسي د جنسي کمزوریو ښکار دي.

ټاګونه

ورته لیکنې

ګډون وکړئ
خبرتیا غوښتل د
guest
3 Comments
زړو
نویو ډیرو خوښو شویو
Inline Feedbacks
ټولې تبصرې کتل
مولوِِ ي احمدگل(منصف)

په دوئ پسې دې توره بلا وي، ددې ځای د ترجمانانو غم يې وخورئ چې سرونه او (بېخونه) یې دواړه له کاره وتلي دي.

محمد اصف

جنسی ځواک خو څه کوی چی ډير ژر ډر تو ځواک هم د لاسه ور کړی

محمودالغزنوی

ددوی خوغزاهمداجنسی أړیکه ده .ډیرزربه ان شاءالله سپیره لیونی ترجوړأوهره مرداره نالی به ورباندی ډکه وی۰۰۰۰۰۰۰۰۰

Back to top button
3
0
Would love your thoughts, please comment.x
()
x
Close
Close