ټولنیزه برخه

د فرانسی مشهورډاکټر : موریس بوکای څنګه مسلمان شو؟

لیکوال: استاذ مجیب الرحمن عمر

د فرانسی هیواد په دی شهرت لری چی په لرغونو آثارو خورا اهتمام کوی، کله چی په ۱۹۸۱ کال کی (فرانسس میټرانډ) د فرانس د حکومت واګی ترلاسه کړل، نو د اتیایمو کلونو په ورستیو کی یی د مصرله هیواده وغوښتل چی د (د نیا د لوی طاغوت او د خپلی کورنۍ نولسم واکمن دوهم رمسیس) فرعون مومیائی شوی جسد دوی ته واستوی ترڅو ترمیم یی کړی او هم پری علمی اوساینسی تجربی ترسره کړی .

نو د مصرهیواد یی غوښتنه ومنله او د فرعون مومیائی جسد یی ورته ولیږدا وو، کله چی فرانسویان د فرعون د جسد د هرکلی رسمی مراسم بشپړ کړل نو د اثارو یو ستر مرکز ته یی نقل کړ، د ډاکټرانو ټیم راغلی او خپل کار یی پری شروع کړ، طبی ټیم یی ترمیم کاوه خو د ټیم مشر ډاکټر ( موریس بوکای ) هوډ درلود چی د فرعون د مړنی لامل ځانته معلوم کړی، معاینات یی پری پیل کړل، کله چی د شپی په ورستیو کی معاینات بشپړ شول نو د معایناتو پایلو وښوده چی نوموړی په اوبوکی غرق شوی ځکه د سری بحیری د اوبو د مالګو د ذراتو بقایاجات یی ورله په جسدکی ومیندل، خو ښاغلی بوکای په دی حیران و چی څنګه یی جسد د نورو فرعونی مومیائی شوی جسدونوپه پرتله روغ رمټ دی؟!

خو له اوږد فکر او سوچ نه وروسته دی پایلی ته ورسید چی د غرقیدو نه وروسته یی خاکی جسد له اوبو ویستل شوی او فورا مومیائی شوی او په یو ځانګړی ډول یی د جسد ساتنه شوې.

ښاغلی بوکایی فکر کاوه چی یوازی زه د یو نوی علمی انکشاف څښتن شوم چی (د دنیا طاغوت) فرعون په اوبو کی غرقیدل، له اوبو ویستل اوبیا بچ کیدل می کشف کړل، نو ځکه خو یی اراده وکړه چی نړیوالو ته خپل علمی کشف د ساینس په علمی ډګر کی د یو نوی پرمختګ په ډول اعلان کړی.

په همدی وخت کی یو چا خبر کړ چی تم شه! د مسلمانانو مقدس کتاب (قرآن کریم) له ډیر پخوا نه د فرعون د غرقیدو او بیا بچ کیدلو کیسه کوی، ښاغلی بوکای هک پک حیران شو هغه ته داخبره ډیره ناشنا معلومه شوه او انکار یی وکړ، ځکه د نوموړی په آند: دا کشفیات خو پرمختللو لابراتوارونو او آلاتو ته اړتیا لری ، دا څنګه شونی ده چی د فرعون د مومیائی انکشاف دی په ۱۸۹۸ کی وشی او قرآن دی څوارلس سوه کاله پخوا ددی خبر ورکړی وی دویم دا چی پخوانیو خلکو ته دا هم نه وه معلومه چی فرعونیانو به د خپلو مړو جسدونه مومیائی کول ، نوڅنګه قران د دی دبچ پاته کیدلو خبره کوی ؟!

بهر تقدیر نوموړی تورات او انجیل راوغوښتل او مطالعه یی ورله شروع کړه تورات اوانجیل دفرعون کیسه تر ډوبیدو پوری کوی دمړینی نه وروسته دبچ پاتې کېدو خبره یی نه کوی .

کله چی په فرانسه کی د فرعون مومیائی ترمیم بشپړ شو د مصر هیواد ته یی ولیږداو خو ولی ډاکټربوکای په کرار کی نه ناست د سفر هوډ یی وکړ چی په هغه صحی کانفرنس کی ګډون وکړی چی په سعودی عربستان کی جوړیږی تر څو ددی خبری حقیقت ځانته د مسلمانانو د خولو نه معلوم کړی، نو ډاکټر بوکای چی کله سعودی عربستان ته ورسید او په کانفرانس کی شریک شو نو د کانفرنس ګډونوالو ته یی په افتخاري توګه وویل: ما نوی کشف کړی: چی فرعون په اوبو کی مړ شوی او له مړینی نه وروسته یی جسد ژغورل شوی، د کانفرنس یو ګډونوال ورته سمدلاسه قرآن کریم راواخیست او دا ایت یی ورته ولوست چی الله فرمایی : ( فالیوم ننجيک ببدنك لتكون لمن خلفك آية وإن كثيرا من الناس عن آياتنالغافلون ) د یونس سورت ۹۳ ایت

الله تعالي فرعون ته د غرقیدو پر مهال وويل : ( نن به دی بدن وژغورو ( خوندی وساتو ) تر څو هغو کسانو ته د عبرت نښه شی چی له تا ورسته راځی او ډیر خلک زما له ایتونو غافل دی.)

ددی ایت په اوریدلو سره فورا ډاکټر بوکای پورته شو او په لوړ اواز یی د خپل اسلام اعلان وکړ او ویی ویل : ماپه دی قران ایمان راووړ.

کله چی ډاکټربوکای بیرته فرانسی ته ستون شو نو د ایمان نښی یی په مخ له ورایه ځلیدلی د بوکای مخ هغه مخ نه وو چی له فرانسی نه کله تللو، ډاکټربوکای ځان دی ته وزګارکړ چی لس کاله د قران کریم او د ساینسی علومو پرتلییزه څیړنه وکړی خو هیڅ یو ایت یی هم دعلمی حقایقو پرخلاف پیدا نه کړ ، نو یو کتاب یی ولیک په دی نوم چی : ( القرآن والتوراة والانجیل والعلم … دراسة الکتب المقدسة فی ضوء المعارف الحدیثة )

ډاکټر بوکای په خپل کتاب کی په څرګندو ټکو کی لیکلی چی قرآن کریم په ریښتیا د الله تعالی کلام دی او تورات او انجیل کی زیاتی لاسوهنی شوی چی له ډیرو علمی حقایقو سره اړخ نه لګوي.

د ډاکټر بوکای کتاب چی کله داول ځل لپاره چاپ شو نوډیر په تیزۍ سره له مارکیټه ختم شو، د بل ځل لپاره په لکونو نسخی چاپ شوی، او دغه کتاب بیا عربی انګریزی فارسی اردو المانی اندونزیایی او ترکی وغیره ژبوته وژباړل شو چی د ډیرو غیرمسلمو د اسلام راوړلو‌ ذریعه جوړه شوه .

ګډون وکړئ
خبرتیا غوښتل د
guest
4 Comments
زړو
نویو ډیرو خوښو شویو
Inline Feedbacks
ټولې تبصرې کتل
مولوِِ ي احمدگل(منصف)

کاشکې يو څوک هدغه کتاب درنې او خوږې بښتو ته هم ترجمه کړې چې د پښتنو ايمانونه هم د غرب پلوو او سيکولرو بې ايمانو د شبهاتو او وسوسو له شره وساتي.

غفوري

جزاک الله خیراً

ameenullah

ماشااللھ رشتیاچی قران معجزدی

سعيدالرحمن

شكرا … عمنا معلومة غريبة و رائعة ارجوا لك مزيد التوفيق
سعيد الرحمن كل أحمد

Back to top button
4
0
Would love your thoughts, please comment.x
()
x