ايساف: نن د افغانستان په جنوبي برخه کې د بهرنیانو دوه تنه عسکر ووژل شول

a_woundedsoldier_inMarjah_districtنن ټکی آسیا: د افغانستان په جنوبي برخه کې د طالبانو په برید کې د بهرنیو ځواکونو دوه تنه سرتیري ووژل شول.

نن په کابل کې د بهرنیو ځواکونو رسنیز مرکز په یوه خبرپاڼه کې وویل چي نن د چهار شنبې په ورځ د افغانستان په جنوبي برخه کې د طالبانو په یوه برید کې د ایساف دوه تنه عسکر ووژل شول.

خو دطالبانو ویاند قاري یوسف احمدي ویلي چي نن سهار د طالبانو د کندهار ولایت د ډنډ ولسوالۍ د خنجکک په سیمه کې د یو برید په ترڅ کې د بهرنیانو څلور تنه عسکر ووژل.

په خبرپاڼه کې د وژل شویو عسکرو د هویت او د پيښي د دقیق ځای په اړه کوم ډول معلومات نه دي ورکړل شوی.

باید وویل شي چي په روانه میلادي میاشت کې تر اوسه بهرنیانو خپل د ۳۲ تنو عسکرو وژل کیدل منلي.

د نن ټکی اسیا یوټیوب چېنل
avatar
  ګډون وکړئ  
خبرتیا غوښتل د