افغانستان

فراه: د ملي اردو او بهرنیو ځواکونو تر منځ جګړه کې ۳ بهرني عسکر وژل شوي دي

ana_and_us_soldeirsنن ټکی آسیا: د فراه ولایت د پشت رود په ولسوالۍ کې د ملي اردو او بهرنیو ځواکونو تر منځ جګړه شوې، چي په ترڅ کې ۳ تنه بهرني عسکر او د ملي اردو یو سرتیري وژل شوی، او بل ټپي شوی دی.

د فراه د ولایت څخه لوړ پوړي چارواکو رسنیو ته ویلي چي نن مازیګر د یادي ولسوالۍ د ریګي په سیمه کې د ملي اردو او بهرنیانو تر منځ یوه لفظي شخړه را منځته شوه، چي وروسته په وسلوالي نښتي واوښته.

هغوی زیاته کړې چي د ملي اردو د عسکرو په ډزو کې درې تنه بهرني عسکر ووژل شول، او په مقابل کې د ملي اردو یو عسکر ووژل شو، او یو بل ټپي شو.

تر اوسه د بهرنیو ځواکونو د تابعیت په اړه کوم ډول معلومات په لاس کي نشته او نه هم ایساف د پيښي په اړه ډیر تفصیل ورکړی، هغوی ویلي چي د جګړې خبر يې تر لاسه کړی او د مرګ ژوبلي څخه انکار کړی، او زیاته کړې ده چي نور معلومات به په مناسب وخت خپاره کړي.

ورته لیکنې

ګډون وکړئ
خبرتیا غوښتل د
guest
0 Comments
Inline Feedbacks
ټولې تبصرې کتل
Back to top button
0
Would love your thoughts, please comment.x
()
x